تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامه سی: جمهور باشلیغی ایردوغان مهم بیاناتلر بیردی.
جمهور باشلیغی رجب طیب ایردوغان ارجنتیندهگی جی-20 رهبرلر جلسه سی آرتیدن عملگه آشیرگن پاراگوئه و ونزوئلا سفرلرینی تماملب توناون پایتخت انقرهگه قَیتیب کیلدی. جمهور باشلیغی ایردوغان ایسن بوغه قونلغه سیده اویوشتیرگن مطبوعات کنفرانسیده «لاتین امریکا و کرایب حوزهسیدهگی دولتلر بیلن اوزارا و کوپ تامانلی مناسبتلریمیزنی مستحکملشنی دوام ایتتیرهمیز» دیدی. ایردوغان شونینگدیک، اوزارا اوچرهشوولرده هر قندهی ترورگه قرشی بیر یاقهدن باش، بیر یینگدن قول چیقریش کیرهکلی ایکنلیگینی تأکیدلهگنلیکلرینی قید ایتدی.
حریت روزنامهسی: بنعلی ییلدیریم: «چیننی ستراتیژیک دوست مملکت دیب قبول قیلهمیز» دیدی.
تورکيه بویوک ملت مجلسی رئیسی بنعلی ییلدیریم آسیا نینگ شرقی نینگ اوچیده چین، غرب اوچیده ایسه تورکيه اورین آلگن اوزارا ستراتیژیک مملکت ایکنلیگینی قید ایتدی. چینگه بولگن سفری چاغیده کیچه پایتخت پیکینده بولگن بنعلی ییلدیریم چونگنانهای دولت مهمانخانهسیده باش وزیر لی کینچیهنگ بیلن اوچرهشدی. ییلدیریم مذکور اوچرهشووده، « تاریخي ایپک یولی نینگ آسیا نینگ شرقیدن اروپا نینگ مرکزیگچه بولگن یولیده اورین آلگن مهم ایکّیته مملکتی حقیده گپیرماقده میز. چیننی بیز هم اوزیمیز اوچون ستراتیژیک دوست دولت دیب قبول قیلهمیز» دییه گپیردی.
صباح روزنامهسی: ونزوئلاده امینه ایردوغانگه بغیشلب مخصوص کنسرت پروگرامی اویوشتیریلدی.
جمهور باشلیغی رجب طیب ایردوغانگه جنوبي امریکاگه بولگن سفری چاغیده همراهلیک قیلگن تورموشی امینه ایردوغان ونزوئلا جمهور باشلیغیی نیکولاس مدورا موروس نینگ تورموش اورتاغی کیلیه فلاریس دی مدورا تامانیدن مخصوص پروگرام آرقهلی کوتیب آلیندی. خلق ارا جمعیتده EL SISTEMA دیب تنیلگن ونزوئلا ملي یاشلر و بالهلر آرکسترهلری و کورو گروهی امینه ایردوغان نینگ حرمتیگه کنسرت پروگرامی اویوشتیردی. مذکور پروگرامده تورک تیلیده اجرا ایتیلگن قوشیقلردن تشقری تورک دولت مدحیهسی هم اجرا ایتیلدی.
وطن روزنامهسی: تورکيه هیداوچیسیز زمینی واسطهلری نینگ توری و سانینی آرتتیرماقچی.
خوفسیزلیک کوچلری نینگ فایدهلنیشیگه تاپشیریلگن هیداوچیسیز زمینی واسطهلری نینگ توری و سانی آرتتیریلهدی. مدافعه صناعتی ییتکچیلیگی هیداوچیسیز تیزیملر ترماغیدهگی کمچیلیکلرنی مملکت نینگ اوزیده حل قیلیش ایشلری نینگ آرتتیریلیشی بارهسیدهگی فعالیتلرنی کوپهیتیردی. شو دایرهده هیداوچیسیز یاکه اوچووچیسیز پلاتفورملری و لوجستیک خدمتلری نینگ خوفلی ییر زمینلرده کشفیات و ترانسپورت خدمتلری بیلن کوچلی اوق اوزیش کوچی و حرکت قابلیتیدن فایدهلنگن حالده دشمنگه یقینلشیش و کیرهک بولگنیده یوق قیلیش مقصدیده فایدهلنیلیشی ریجهلشتیریلماقده.
ستار روزنامه سی: تورک سیریاللری لبنانده آلتین چاغینی باشدن کچیرماقده.
تورک سیریاللری لبنانده 2007-ییلدن بیری عرب تیلیده دوبلاج آرقهلی بیریله باشلهدی. خوددی انه شو کوندهن بیری لبنانده اینگ کوپ تماشا قیلینگن چیت ایل سیریاللری آرهسیده بیرینچی اورینده. لبنانلیکلر آلدین سوريه، مصر و مکسیکو سیریاللرینی تماشا قیلر ایکن آخرگی اون ییلدن بیری ایسه اولر نینگ تورک سیریاللریگه بولگن قیزیقیشی کتّه. لبنانلیک ایرککلر تورک سیریاللرینی کوپراق تورک تیلینی اورگنیش مقصدیده کوزهتیب باریشلرینی ایسلهتر ایکن عیاللر ایسه حکایه و صنعتکار کوچی بیلن بیرگه تورکيه نینگ جیوگرافیک گوزللیگی، مدنیتی و مودلیگه بولگن قیزیقیشی جهتیدن تماشا قیلهیاتگنلیکلرینی قید ایتماقده