تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه سی: فواد اوکتای اعلان قیلدی؛ تورکيه نینگ خلق‌ارا لیبیا کنفرانسیده اشتراک ایتیشدن باش تارتگنلیگینی معلوم قیلدی.
تورکيه جمهوریتی نینگ بیرینچی جمهور رئیس اورینباسری فواد اوکتای تورکيه نینگ ایتالیا‌ده اویوشتیریلگن خلق‌ارا لیبیا کنفرانسسیده اشتراک ایتیشدن باش تارتگنلیگینی معلوم قیلدی. مذکور کنفرانس اوتکزیلگن پا‌لیرمو شهریده‌گی هوتلده ژورنالیستلرگه بیانات بیرگن اوکتای، «خلق‌ارا جمعیت افسوسکی بوگون ایرته‌لب بیر یاقه‌دن باش، بیر یینگدن قول چیقرالمه دی. بعضیلری آخرگی دقیقه‌ده‌گی اوزباشیمچه‌لیکلری آرقه‌لی ایتالیا میزبانلیگیدن فایده‌لنگن حالده جریانگه بیر تامانلی اره‌لشدی. اولر جریاننی اوز فایده‌سی اوچون آقساتیشگه حرکت قیله‌ویرسه اونده لیبیا‌ده تینچلیک اورنه‌تیش امکانسیز» دیگن افاده‌لرگه ا‌ورین بیردی.
صباح روزنامه‌سی: استانبول قونلغه سیدن بوگونگچه راپه-راسه 15 مینگ کیشی اوچدی. تورک هوا یوللری 31-اکتوبردن اعتباراً خدمتگه توشگن استانبول قونلغه سیدن بوگونگچه 31 مینگ یولاوچی تشیگنلیگینی، ییل نینگ آخریگچه ایسه 43 مینگ کیشی نینگ تکت اجره‌تگنلیگینی معلوم قیلدی.
حریت روزنامه‌سی: تورک عسلی اینگ کوپ آلمان‌گه ساتیلدی.
تورکيه ییل نینگ بیرینچی 10 آییده 21 میلیون 785 مینگ 623 دالرلیک عسل صادر قیلدی. شو دایره‌ده آلمان‌گه 2 مینگ 207 تُن عسل ساتیلر ایکن اوندن 10 میلیون 116 مینگ 939 دالرلیک درآمد قولگه کیریتیلدی. امریکا قوشمه ایالتلریگه 5 میلیون 36 مینگ 125 دالرلیک، هسپانیا‌گه 1 میلیون 324 مینگ 16 دالرلیک، سعودی عربستانگه ایسه 1 میلیون 280 مینگ 415 دالرلیک عسل ساتیلدی. اینگ کوپ آلمان‌گه ساتیلدی.
خبر تورک روزنامه‌سی: تورکيه راپه-راسه 97 مینگ چیت ایل تبعه سینی ایش بیلن تأمینله‌دی. عایله، محنت و اهالینی اجتماعي محافظه قیلیش وزیرلیگی تامانیدن بو ییل نینگ جنوری آییدن باشلب اکتوبر آییگچه 97 مینگ چیت ایل تبعه سیگه ایشلش رخصت‌نامه‌سی بیریلدی. ایشلش اوچون اینگ کوپ سوريه، گرجستان، قیرغیزستان، اوکراین، چین و تورکمنستان تبعه لری رخصت‌نامه آلدی. اوندن تشقری فینلند، میکسیکو، جاپان، برازیل، ایستونيا، پرو کبی دنیا نینگ تورت بورچه‌گیدن کیلگن چیل ایل تبعه لرینی ایش بیلن تأمینله‌گن تورکيه‌گه دنیا نینگ 165 دولتی تبعه لری ایشلش رخصت‌نامه‌سی آلیش اوچون مراجعت قیلدی.
ستار روزنامه‌سی: بیشیکتاش غلبه‌نی آسان، حتا بی‌ملال قولگه کیریتدی.
والیبال بوییچه عیاللر اورته‌سیده اوتکزیله‌یاتگن اروپا والیبال CEV Challenge کپده تورکيه نینگ «بیشیکتاش» جماعه‌سی ایکّینچی سره‌لش باسقیچی نینگ بیرینچی مسابقه‌سیده کوزوو نینگ «کستریاتی» جماعه‌سینی 3-0 حسابیگه مغلوب قیلدی. ایککینچی بیلله شوو 15-نوامبر هفته نینگ پنجشنبه کونی یعنی ایرته‌گه «برها‌ن فلک» والیبال صالونیده اوینه‌له‌دی.
