تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: « ایردوغان گُل بابا مقبره‌سی نینگ آچیلیشیده‌گی مراسمگه اشتراک ایتدی»
جمهور باشلیغی رجب طیب ایردوغان، اوچره‌شوولر اوتکزیش اوچون تشریف بویورگن هنگری نینگ پایتختی بودا‌پیشتده گُل بابا مقبره‌سی نینگ آچیلیشینی عملگه آشیردی. هنگری باش وزیری ویکتور اوربان هم آچیلیشگه اشتراک ایتگن مراسمده سوزگه چیققن جمهور باشلیغی ایردوغان، « گُل بابا 477 ییل آلدین بو تیپه‌لیکده شهید بولدی. اوتگن 5 عصرگه قره‌مسدن بو بویوک ذات اونوتیلمه‌گن . کیله‌جک عصرلرده هم گُل بابا معنوي میراث صفتیده ایکّی اولکه دوستلیگی نینگ نشانه‌سی بولیشده دوام ایته‌دی» دیدی.
وطن روزنامه سی: « تجارت وزیری پیکجان: هنگری‌لیک شرکت‌لر تورکيه‌ده‌گی سرمایه‌لرینی کوپه‌یتیره‌دی.»
تجارت وزیری روخسار پیکجان، هنگری نینگ پایتختی بودایپیشتده اویوشتیریلگن تورکيه- هنگری تجارتی ییغینی نینگ آچیلیشیده سوزله‌گن نطقیده،« تورک شرکت‌لریمیز هنگری‌ده جدّي سرمایه کیریتیشنی ریجه‌له‌ماقده‌لر. هنگری‌لیک شرکت‌لر هم تورکيه‌ده‌گی سرمایه‌لرینی کوپه‌یتیره‌دی دیب اویله‌یمیز» دیدی. پیکجان، اوتکزیله‌دیگن ایش اوچره‌شوولری نتیجه‌سیده ایکّی اولکه اورته‌سیده سودا و اقتصادي علاقه‌لری ینه هم آرته‌دی ینگی جهتلرگه باریشینی امید قیله‌میز دیب قید ایتدی.
خبر تورک روزنامه سی: « تورک آقیمی نینگ هر ایکّی ترماغیدن عین دمده 2020ده طبيعي گاز ییتکزیب بیریله‌دی»
روسیه انرژی وزیری الیکسندر ناواک، تورک آقیمی طبيعي گاز پایپ لاین، بیرته سی تورک بازاری باشقه‌سی هم اروپا بازاری اوچون بولیب هر ایکّی پایپ لایندن 2020 ییلی جنوری آییده طبيعي گاز ییتکزیب بیریله‌دی، دیدی. ناواک، روسیه- 24 تلویزیونیده بیرگن بیاناتیده، « تورک آقیمی ساختمانی، تصدیق قیلینگن ریجه‌گه کوره دوام ایتماقده. معلوم بولگنیدیک، روسیه بیلن تورکيه اورته‌سیده حکومتلر ارا کیلیشوو امضالنگن و بیر یول خریطه‌سی هم تصدیق قیلینگن. ایکّی تقسیم اوقاتگه کوره ایلگریله‌ماقده» دیدی.
یینی شفق روزنامه سی: «THY سفرلریده TRT World نی جانلی تماشا قیلیش ممکن»
تورک هوا یوللری (THY) اوچاقلریده، قوییلگن جانلی تلویزیون کاناللری قطاریده انگلیس تیلیده نشرات بیره دیگن خلق‌ارا خبر کانالی TRT World قویدی. THY باشقروو کینگشی و اجرا کمیته سی باشلیغی ایلکر آیجی، پرواز قیله‌یاتگن 122 اولکه‌نی TRT World نینگ طرفسیز، مستقل و التیرنا‌تیف بیر قره‌ش بیلن آلیب بارگن فعالیتلری سببلی فخرلنه‌میز» دیب بهاله‌دی.
ستار روزنامه سی: "هاللیوود فلملریده تورکيه تأثیری"
کانادا نینگ تنیقلی سینما مکتب 3D انیمشن تعلیمی نینگ آرتیدن، visual effects/dijital compositor بولیش گه قرار قیلگن عبدالله ایجیرلی، دنیاده کتّه قیزیقیش بیلن تماشا قیلینگن هاللیوود سینما لریده توزه تگن ایفیکتلر بیلن تماشا‌بینلرنی فرقلی بیر جهتگه آلیب بارماقده.
