تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق روزنامه سی: "امریکا قوشمه ایالتلری بو نینگ نتیجه‌سینی کۉره‌دی"
امریکا قوشمه ایالتلری نینگ نیو یورک شهریده بیرلشگن ملتلر تشکیلاتی 73. عمومي کینگشیده سوزگه چیققن جمهور باشلیغی رجب طیب ایردوغان، اساسن ترور تشکیلاتی پی کاکانی قوللب-قوّتله‌گن امریکا قوشمه ایالتلریگه خطاب قیلدی. ایردوغان، تورکيه نینگ مونبیچدن باشلب عراق چیگره‌سیگچه سوريه توپراقلرینی تروریستلردن تازه‌لشیگه دقّت قره‌تیب، "تاکتیک منفعتلری اوچون تروریستلرگه اون مینگلب قورال، یوک اوچاغینی قوراللر بیلن یوبارگنلر بو نینگ دردینی کوره‌دی" دیدی.
ستار روزنامه سی: «ایردوغان نینگ آلمان سفری اوزارا علاقه‌لرگه ایجابي حصه قوشه دی"
جمهور باشلیغی رجب طیب ایردوغان نینگ 27-29 سپتامبر کونلری عملگه آشیریشی کوتیلگن جرمني سفری نینگ، اوزارا علاقه لر جهتیدن ینگی بیر جریان باشله‌تیشی کوتیلماقده. ایردوغان، سفریده همکسبی فرانک والتر اشتینمییر بیلن بیر قطارده جرمني باش وزیری انگیلا مرکل بیلن کوریشه‌دی. جمهور باشلیغی ایردوغان، نادولت تشکیلات نماینده لری و آلمان‌ده‌گی اولکن شرکت باشقرووچیلری بیلن هم اوچره‌شه‌دی.
وطن روزنامه سی: «هالند نینگ انقره بویوک ایلچیسی تورکيه‌گه کیلدی"
تورکيه بیلن هالند علاقه‌لرینی تیکلش جریانی باشله‌گندن کیین، هالند نینگ انقره فوق العاده ایلچیسی صفتیده تعیینلنگن مرجا‌ننی دی کواستینت، تورکيه-هالند اورته‌سیده‌گی علاقه‌لرگه ایجاببي حصه قوشیشیدن امیدوار ایکنلیگینی ایضاحله‌دی. هالند حکومتی انقره بویوک ایلچیسی ایتیب تعیینله‌گن کواستینت ، توناون کیچقورون انقره‌گه تشریف ایتدی. قونلغه ده ژورنالیستلر نینگ سواللریگه جواب بیرگن کواستینت، "بو ییرده بولیشدن ممنونمن. بو مهم بیر لحظه. تورکيه-هالند علاقه‌لریگه ایجابي حصه قوشیشیمنی امید قیله‌من" دیدی.
حریت روزنامه سی: "تورکيه، روس توریستلر اینگ کوپ پول خرجت قیلگن، ایکّینچی اولکه"
روسیه نینگ اولکن سیبربا‌نکی نینگ مشتری لری، یاز موسمی ایتا‌ليهادن کیین اینگ کوپ تورکيه‌ده پول خرجت قیلگن. سیبر با‌نکدن بیریلگن بیاناتده، بانکه مشتریلری نینگ اوتگن ییل خارجده 141،2 میلیارد روبل (تخمینن 2،16 مِیلیارد دالر) خرجت قیلگنی بیلدیریلدی. تورکيه‌دن کیین اینگ کوپ پول خرجت قیلگن دولتلرنینگ هسپانیا، فرا‌نسه، یونانستان و جرمني بولگنی بیلدیریلگن بیاناتده، فرد باشیگه تینگ توشگن اینگ کتّه خرجت نینگ مونا‌کوده بولگنی قید ایتیلدی.
خبر تورک روزنامه‌سی: ""صادرات نینگ یرمیدن کوپی صناعت سکتوریده بولگن"
تورکيه نینگ اوتگن ییلگی صادرات حجمی 43،8%، واردات حجمی 61،1% کتّه تشبثکارلر تامانیدن عملگه آشیریلدی. تورکيه استاتیستیک کینگشی 2017 ییلی بیلن علاقه‌لی "تشبثگه کوره تشقی تجارت استاتیستیکی" معلوم بولدی. بونگه کوره تجارلر نینگ اساسي فعالیتیگه قره‌گنده صادرات نینگ 56،6 %، واردات نینگ ایسه 52،1 %، صناعت سکتوریده فعالیت آلیب باریلگن تجارلر تامانیدن عملگه آشیریلدی.
