تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه سی: «ایردوغان بیلن پوتین، ادلبده قوراللردن تمیزلنگن منطقه موضوعسیده کیلیشدی"
تورکيه و روسيه سوريه نینگ ادلب حدودیده قوراللردن تمیزلنگن منطقه تشکیل ایتیش موضوعسیده کیلیشدی. تورکيه و روسيه قوراللردن تمیزلنگن منطقه بیلگیلش اوچون چیگره نینگ هر ایکّی تامانیده هم فعالیت آلیب بارهدی. مخالفلر ایسه موجود جاییده قالیشگه دوام ایتهدی. افراطی گروهلر نینگ فعالیتلری توختهتیلهدی. روسيه، ادلب مخصوص منطقه سیگه هجوم اویوشتیرمسلیکنی تأمینلش اوچون تدبیرلر آلهدی. تورکيه و روسيه اورتهسیده توزیلگن کیلیشوو بیلن، ادلبده کتّه انسانلیک بحرانی نینگ آلدی آلینهدی.
حریت روزنامه سی: "روسیه سوريه نینگ ادلب حدودیده حربي عملیات اوتکزمهیدی"
روسیه مدافعه وزیری سیرگیی شایگو، سوريه نینگ ادلب حدودیده حربي عملیات اوتکزیلمسلیگینی معلوم قیلدی. ادلبدهگی وضعیت بیلن علاقهلی سوزلهگن شایگو، "ادلبده حربي عملیات بولمهیدی. موضوعگه دایر کینگ معلوماتنی سوريه تامانی بیلدیرهدی" دیب سوزلهدی.
ستار روزنامه سی: «عنعنوي آدانا فستیوالی دنیاگه تنیتیلهدی"
12-14 اکتیوبر کونلری آدانا عنعنوي لذتلر کورگزمه آرقه لی تنیتیله دی.
محلي آشپزلر تیارلهگن طعاملر و عنعنوي لذتلر تنتیلهدیگن فستیوالده 200 دن آرتیق طعام توری تنیتیلهدی. فستیوالده دنیادهگی مشهور آشپزلر دعوت ایتیلدی. مدنیت و توریزم وزیرلیگی نینگ حمایهسیده بولهدیگن فستیوال، 2 میچیلین یولدوزی مشهور آشپز الیکساندر دیانیسیا نینگ عنعنوي آدانا کبابینی بهالهگن مخصوص بیر "گسترو شاپ" بیلن آچیلهدی. گسترو شاپ بیلن پنیر و زیتون یاغی تنیتوو فعالیتلری بیلن تورلی پنیللر هم بولهدی.
خبر تورک روزنامه سی: "دنیا نینگ اینگ نفیس لذتلر رویخطیده استانبول هم جای آلماقده"
امریکا نینگ CNN کانالی، دنیاده کوچهلرده ساتیلگن اینگ لذتلی و مشهور طعاملرینی معلوم قیلدی. هم نرخی نینگ آرزانلیگی هم او اولکهنی تنیتیش جهتیدن کتّه قیزیقیش کورگن کوچهلرده ساتیلگن لذتلر آرهسیده تورکيهدن استانبول جای آلدی. تورکيهده اینگ مهشور ییگولیکلر آرهسیده سیمیت کورستیلر ایکن، لاواش و لقمه هم بحث ایتیلماقده. "تورک پیزهسی صفتیده بیلینگن لقمه نفیس لذتلر آرهسیده جای آلماقده. شونینگدیک تورک آیسکریمی اساسن پستهلی موز قهیماق هر شکلده تقدیم ایتیلماقده" دیگن سوزلر بیلن، استانبولده کوچهلرده ساتیلگن ییگولیکلر توشونتیریلماقده.
یینی شفق روزنامهسی: "امریکا CNBC برنامه آلیب بارووچیسی نینگ تورکيه حقیدهگی پراواکهتیف سوالیگه توقماق کبی بیر جواب"
امریکا اقتصاد کانالی CNBC نینگ مهمانی بولگن BNP پیریباش کینگشی رهبری جیان لیمییرری، برنامه آلیب بارووچی نینگ تورک اقتصادی بیلن علاقهلی پراواکهتیف بیر سوالیگه قتّيق جواب بیردی. CNBC نینگ برنامه آلیب بارووچیسی، لیمییرریگه، "تورکيهده چیقیشنی اویلهیسیزمی؟" دیب سوردی. لیمییرری، "تورکيه محنتکش، صادرات قیلگن، قیینچیلیکلرنی برطرف ایتگن بیر مملکت. نیمه اوچون چیقیشیمیز کیرهک" دیب ناراضیچیلیک کورسهتدی. اجتماعی میدیاده قوییلگن ویدیو لوحه کوپ قیزیقیش کوردی.