تورکیه مطبوعاتیدن خلاصه لر 21.04.1397

ستار روزنامه سی, تورکیه جمهوریتی جمهوررئیسی رجب طیب اردوغان نینگ بیلجیم پایتختی بروکسلده بولیب اوتگن ناتو رهبر لر ییغیلیشیده اشتراک ایتگن لیگی نی بیلدیرماقده. 

خبرده, اوشبو ییغیلیش دایره سیده جمهوررئیسی اردوغان گه بولگن قیزیقیش نینگ جوده کتته بولگن لیگی ایسله تیلماقده. 

روزنامه, اوشبو ییغیلیش نینگ اختتامیه بیلدیرویده, تورکیه موضوعی و تروریزم گه قرشی کوره ش بوییچه خلق ارا جامعه نینگ بیر یقه دن باش چیقریشی کیره ک ایکن لیگی بیلدیریلگن لیگی نی معلوم قیلماقده. 

ینی شفق روزنامه سی, تورکیه جمهوریتی تشقی ایش لر وزیری مولود چاووش اوغلی نینگ ناتو رهبر لر ییغیلیشیده اشتراک ایتیش اوچون بارگن بروکسلده غرب رهبر لری گه انیق پیام لر بیرگن لیگی نی ایسلتماقده.

روزنامه, چاووش اوغلی نینگ, تورکیه نینگ روسیه دن اس 400 راکت مدافعه سیستمی آلگن لیگی گه تیگیشلی بحث موضوعی بولگن "تورکیه ناتو دن اوزاقلشماقده" شکلیده گی سوز لر نی یاریتیب بیرگن لیگی نی بیلدیرماقده.  

خبرده, چاووش اوغلی نینگ, "تورکیه ناتو دن اوزاقلشمَیدی. ناتو متفق لری میز اوشبو ضرورت لری میز نی تامین ایتیب بیرسه ایدی بیز اولر دن آلر ایدیک.  کیله جک ییل نینگ سونگگیده اوشبو راکت لرنینگ قالگن قسم لری هم روسیه دن کیله دی.  ایندی اوشبو موضوع توغریسیده بحث ایتیش نینگ اوزی هم توغری بیر ایشدن عبارت ایمس" دییه قید ایتگن لیگی بیلدیریلماقده. 

وطن روزنامه سی, آلمانده میلادی 2000 نچی و 2007 نچی ییل لری آره سیده 8 تورک و بیر یونان وطنداشی بیلن بیر آلمان پولیسی نی اولدیرگن ان سی او تشکیلاتی نینگ حیاتده گی بیرته گینه اعضاسی دن عبارت بیاتا چیپا نینگ ابد حبسی گه محکوم قیلینگن لیگی نی بیلدیرماقده. 

خبرده, تورکیه جمهوریتی تشقی ایش لر وزیرلیگی نینگ ان سی او دن استفاده ایتگن کیشی لرنینگ حتی محکمه هم قیلینمه گن لیگی نی بیلدیرگن لیگی معلوم قیلینماقده. 

حریت روزنامه سی, خلق ارا مقیاسده زیتون یاغی تولیداتی میزانی نینگ میلادی 2016 نچی و 2017 نچی ییل لری آره سیده توشیب کیتگن لیگی نی بیلدیررایکن, خوددی شوو دور نینگ اوزیده تورکیه نینگ ایسه اوز تولیداتی نی آرتیریش گه موفق بولگن لیگی نی معلوم قیلماقده. 

خبرده, تورکیه نینگ زیتون یاغی تولیداتی  نی 58 مینگ تن مقداریده آرتیریب 208 مینگ تن گه کوتریب یوبارگن لیگی ایسله تیلماقده. 

روزنامه, شونده ی قیلیب تورکیه نینگ زیتون یاغی تولیداتی بوییچه جهانده ایککینچی اوریننی ایگلله گن لیگی نی بیلدیرماقده. 

صباح روزنامه سی, آسترالیا لیک راک موزیسینی, قوشیقچی, کتاب و سناریو یازوچیسی نیک کیف نینگ, 17 ییل لیک بیر مدت کیین ینه استانبول گه کیلیب علاقه مند لری بیلن اوچره شگن لیگی نی یازماقده. 

خبرده, گروهی The Bad Seeds بیلن 25 نچی استانبول جاز فستیوالی دایره سیده کنسرت بیرگن صنعتچی نینگ کتته قیزیقیش بیلن کوتیب آلینگن لیگی معلوم قیلینماقده.