تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
حريت روزنامه‌سی: «تناپ» خدمتگه تیار.
تورکيه و آذربایجان تامانیدن قوریلیش ایشلری 3 ییلدن بیری دوام ایتگن و آذربایجان طبيعي گازینی تورکيه آرقه‌لی اروپاگه ییتکزیب بیره‌دیگن ترا‌نس انا‌دولو طبيعي گاز پایپ لاینی آچیلدی. تناپ نینگ آچیلیش مراسمیده جمهور باشلیغی رجب طیب ایردوغان، آذربایجان جمهور باشلیغی الهام علی یف، شمالی قبرس تورک جمهوریتی جمهور باشلیغی مصطفی آقینجی، صربستان جمهور باشلیغی الکسندر ووجیک و اوکراین جمهور باشلیغی پترو پروشنکوف اشتراک ایتدی. آچیلیش مراسمیده نطق سوزله‌گن ایردوغان، «بوگون منطقه‌میز و مملکتلریمیز اوچون تاریخي قدم تشله‌یه‌پمیز» دیدی.
خبر تورک روزنامه‌سی: بن علی ییلدیریم، «تورکيه نینگ اروپا بیرلیگیگه اعضا بولیش نیتی دوام ایتماقده» دیدی.
باش وزیر بن علی ییلدیریم تورکيه نینگ ایزمیر شهریده بلغارستان باش وزیری بویکو بوریسوف بیلن اوچره‌شوو اوتکزدی. مذکور اوچره‌شووده بن علی ییلدیریم، تورکيه نینگ اروپا بیرلیگیگه اعضا بولیش نیتی نینگ دوام ایتگنلیگینی لیکن اروپا بیرلیگی نینگ کیله‌جگینی بیلگیلب آلیشی و بو حقیده‌گی ترتیبسیزلیگینی تیز کونلرده حل قیلیشی کیره‌کلیگینی قید ایتدی.
وطن روزنامه‌سی: شیمشیک: «همه‌سینی امریکا قوشمه ایالتلریدن آلدیک» دیدی.
باش وزیر اورین‌باسری محمد شیمشیک امریکا قوشمه ایالتلریده‌گی تورکيه‌گه عاید آلتین ذخیره‌لری نینگ همه‌سی نینگ آلینگنلیگینی معلوم قیلدی. شیمشیک، «امریکاده‌گی آلتین ذخیره‌لریمیزنینگ همه‌سینی آلدیک. او ییرده هیچ نرسه قالدیرگنیمیز یوق» دیدی.
ستار روزنامه‌سی: مدیترا‌نیا‌ن شاپپینگ شرکتی ، تورکيه‌گه سفر اویوشتیریش حقیده قرار قبول قیلدی. مدیترا‌نیا‌ن شاپپینگ شرکت اداره چیسی Diego Aponte ، «دنیاده کمدن-کم مملکتگه اوچره‌ی آلگن کتّه‌کان یوک کیمه‌سی کمپنیسی بوندن بویان تورکيه‌گه هم سفر اویوشتیره‌دی» دیدی.
صباح روزنامه‌سی: تورک اویینلری دنیانی اوزیگه جلب ایتدی.
دنیانی اوزیگه جلب ایتگن تورک سریا‌للریده محلي تورک اویینلری هم ا‌ورین آله باشله‌دی. تورک انجنیرلری تامانیدن ایشلب چیقیلگن بیر اویین جهان لیگیده علیحده ا‌ورینگه ایگه بولدی. شولردن بیری حسابلنگن زوله اویینی بوگونگی کونده دنیا نینگ 100 دن آرتیق دولتیده اوینه‌لماقده.
