تورکیه مطبوعاتیدن خلاصه لر 10.02.1397

صباح روزنامه سی, تورکیه جمهوریتی جمهوررئیسی رجب طیب اردوغان نینگ رسمی بیر سفر دایره سیده اوزبیکستانگه تشریف بویورگن لیگی نی بیلدیرماقده. 

خبرده, اپریل آیی نینگ 29 نچی کونیدن باشلب اوچ کون دوام ایته دیگن اوشبو سفر دایره سیده بولیب اوته دیگن اوچره شوو لر جریانیده, تورکیه بیلن اوزبیکستان اورته سیده گی مناسبت لرنینگ ینه ده مستحکم لشتیریلیشی اوچون تشله نه دیگن قدم لر, منطقه و خلق ارا مقیاسده گی ینگی لیک لر باره سیده بحث ایتیله دیگن لیگی معلوم قیلینماقده. 

وطن روزنامه سی, تورکیه بیلن اوکرائین نینگ نظامی اوچاق ایشلب چیقاره دیگن لیگی نی معلوم قیلماقده. 

خبرده, تورکیه نینگ انتالیا ولایتیده گی یورو آسیا کورگزمه سیده ان 188 نظامی اوچاغی گه کتته اهمیت بیریلگن لیگی ایسله تیلماقده. 

روزنامه, اوشبو پروژه نینگ میلادی 2016 نچی ییلیده باشله گن لیگی نی یازماقده. 

خبرده, اوکرائین نینگ دولت اوچاق ایشلب چیقاریش شرکتی دن عبارت انتونوف نینگ فیسبوک آرقه لی بیرگن بیانات لریده, خوددی منه شوو طیاره بیلن علاقه لی فعالیت لرنینگ دوام ایتیاتگن لیگی نی بیلدیرگن لیگی معلوم قیلینماقده. 

وطن روزنامه سی, تورکیه نینگ راکتسان شرکتی نینگ ینگی قورال ایشلب چیقاریاتگن لیگی نی معلوم قیلماقده. 

خبرده, 3 الی 40 کیلومتر لیک مسافه نی اوره آله دیگن تی آر جی 122 راکتی بیلن علاقه لی تست لرنینگ تکمیل بولگن لیگی ایسله تیلماقده. 

خبرتورک روزنامه سی, اپریل آییده تورکیه نینگ توریزم مرکزیدن عبارت انتالیا گه 1 میلیون دن آرتیق توریست کیلگن لیگی نی معلوم قیلماقده. 

خبرده, اوشبو شهر گه اینگ کوپ روسیه لیک و آلمان لیک توریست لرنینگ کیلگن لیک لری بیلدیریلماقده. 

روزنامه, اوتگن ییل نینگ خوددی منه شوو دوری بیلن سالشتیریلگنده توریست لرنینگ سانی نینگ 41 فایز مقیاسیده آرتیب کیتگن لیگی نی معلوم قیلماقده. 

ینی شفق روزنامه سی, تورکیه جمهوریتی جمهوررئیس لیگی نینگ حمایتی بیلن تورکیه نینگ انتالیا ولایتی قونلغه سیده اپریل آیی نینگ 25 نچی کونیده آچیلگن کورگزمه گه قیزیقیش نینگ جوده کتته بولگن لیگی نی یازماقده. 

خبرده, دنیا نینگ 100 دن آرتیق شرکتی نینگ اشتراکی بیلن بولگن اوشبو کورگزمه نینگ تورک اکروباسی تیمی تورک یولدوز لری نینگ نمایشی بیلن تکمیل بولگن لیگی بیلدیریلماقده.