ترکیه مطبوعاتیدن خلاصه لر 23.03.1396

ینی شفق روزنامه سی, جون آیی نینگ 5 نچی کونیده قطر بیلن ایریم عرب اولکه لری آره سیده بیر بحران نینگ باشلب کیتگن لیگی نی بیلدیررایکن, ترکیه نینگ جمهوررئیسی رجب طیب اردوغان باشچی لیگی ده خودی منه شوو بحران گه بیر ییچیم یولی تاپیلیشی بوییچه سعی و حرکت لری نینگ دوام ایتیتگن لیگی نی معلوم قیلماقده. 

خبرده, سونگگی کون لرده ترقه تیلگن خبر لرگه کوره ترکیه نینگ اوشبو موضوع بیلن علاقه لی سعی و حرکت لری نینگ اوز ثمره سی نی بیریب باشله گن لیگی نینگ کورینگن لیگی معلوم قیلینماقده. 

سونگگی پیتلرده ترکیه و ایران نینگ کوپلب هیئت لری نینگ قطر گه سفر قیلگن لیگی و اوشبو اولکه لرنینگ مسئول لری نینگ قطر مقام لری بیلن تلفن آرقه لی هم صحبت قیلگن لیک لری کوزگه تشلنماقده.

خودی منه شوو بحران نینگ باشلب کیتیشی آرتیدن ایران نینگ طلبی گه بناً ایران تشقی ایش لر وزیری جواد ظریف انقره ده ترکیه جمهوریتی جمهوررئیسی رجب طیب اردوغان بیلن اوچره شدی. 

عینی دمده بحرین تشقی ایش لر وزیری هم انقره گه تشریف بویوریب جمهوررئیسی اردوغان بیلن ائچره شگن ایدی. 

حریت روزنامه سی, "ترکیه نینگ همکارلیگی نی ایسدن چیقاریشی میز ممکن ایمس" عنوانی بیلن بیرگن بیر خبریده, قطر شهزاده خانمی الشیخه المیاسه آل ثانی نینگ, حریت روزنامه سی بیلن قیلگن مصاحبه سیده, سعودی عربستان ایتکچی لیگیده آلتی کورفز اولکه سی نینگ قطر بیلن بولگن مناسبت لری نی توخته تیب قویگن لیگی نی بیلدیررایکن, "ترکیه بیلن قطر آره سیده گی مناسبت لر هر دایم یخشی بولیب کیلگن.  قطرده هم ترک جمعیتی موجود.  بیز نینگ ترک خلقی و ترکیه نینگ قیلگن یخشی لیک لری نی ایسدن چیقاریشی میز ممکن ایمس" دییه قید ایتگن لیگی نی یازماقده.

خبرده, قطرده گی صنعت اداره لری و قطر موزیم لری نینگ مسئولی بولگن قطر امیری شیخ تمیم بن حمد آل ثانی نینگ سینگلی سی (خواهر) شهزاده خانم الشیخه المیاسه آل ثانی نینگ, قطر و حتی دنیا ده فرهنگ و صنعت بوییچه اینگ مهم شخصیت لردن بیری اوله راق بیلینگن لیگی بیلدیریلماقده. 

صباح روزنامه سی, فرانسه ده پارلمانی سیلاو لرنینگ بولیب اوتگن لیگی نی بیلدیرماقده. 

خبرده, فرانسه تاریخیده ایلک مراتبه اوشبو سیلاو لرگه اینگ آز کیشی نینگ اشتراک ایتگن لیگی معلوم قیلینماقده. 

روزنامه, خودی منه شوو سیلاو لر نتیجه سیده جمهوررئیسی امانویل ماکرون نینگ حزبی دن عبارت "جمهوریت یوریشی" حزبی نینگ غلبه قازانگن لیگی نی یازماقده. 

خبرده, بیر ییل آلدین قوریلگن لیگی گه قره مسدن اوشبو حزب نینگ پارلمانده 550 کرسی کسب ایتیش گه موفق بولگن لیگی معلوم قیلینماقده. 

روزنامه, اوشبو سیلاو لر گه اشتراک میزانی نینگ فقط گینه 51,29 فایز دن عبارت بولگن لیگی نی ایسلتماقده.