ترکیه نینگ مطبوعات خلاصه لری 08.02.1396
ترکیه نینگ مطبوعات خلاصه لری
ترکیه نینگ مطبوعات خلاصه لری 08.02.1396
صباح روزنامه سی «رفراندوم نینگ انیق رسمي نتیجه‌لری» سرلوحه‌سی بیلن بیرگن خبرگه کوره، عالي سیلاو کینگشی 16 اپریل کونی بولیب اوتگن رفراندوم نینگ انیق رسمي نتیجه‌لرینی اعلان قیلدی.
بونگه کوره، سیلاوچیلر نینگ 51.41 فایزی «خه»، 48.59 فایزی «یوق» رایی بیرگن.
«قبول» رایینی بیرگنلر سانی 25 ملیون 157 مینگ 463، «یوق» رایینی بیرگنلر سانی ایسه، 23 ملیون 779 مینگ 141 نفرنی تشکیل قیلدی.
سیلاوگه اشتراک ایتگنلر سانی 49 ملیون 798 مینگ 855 نفرنی تشکیل قیلدی، بو ایسه، جمله سیلاوچیلر سانی نینگ 85.43 فایزینی تشکیل قیله‌دی.
اعتبارلی دیب تاپیلگن رایلر سانی 48 ملیون 936 مینگ 604 نفر.
ستار روزنامه‌سی، «ینگی تورکيه اوچون بیرینچی آدیم» سرلوحه‌سی بیلن بیرگن خبرگه کوره، مملکتده جمهور رئیس لیک تیزیمی جاري ایتیلیشینی تأمینله‌یدیگن رفراندومدن سونگ تورکيه‌ده کتّه اوزگریشلر دوری باشلندی.
شو مناسبت بیلن عدالت و توسعه حزبی شو ییل نینگ 21 می کونی فوق العاده کنگره اوتکزیش اوچون تیارگرلیکلرنی باشلب یوباردی.
تورکيه جمهور رئیسی رجب طیب ایردوغان 3 یریم ییل آره‌دن سونگ، عدالت توسعه حزبی نینگ باش رهبرلیگینی قبول قیلیب آله‌دی.
درواقع، رفراندومدن کیینگی اینگ کتّه اوزگریشلردن بیری صفتیده ایردوغان نینگ حکومت ترکیبیگه کتّه اوزگرتیریشلر کیریتیشی کوتیلماقده.
خبر تورک روزنامه‌سی ، «اروپا قیلمیشیدن پُشیمان بوله‌دی» سرلوحه‌سی بیلن بیرگن خبرگه کوره، تورکيه تشقی ایشلر وزیری مولود چاووش اوغلی اروپا کینگشی پارلمنترلر شورا‌سی نینگ تورکيه‌نی تیکشیروودن اوتکزیش قراریدن سونگ، جاري ایتیله‌دیگن چیکلاولرنی معلوم قیلدی.
مولود چاووش اوغلی اروپا کینگشی پارلمنترلر شورا‌سی گه کتّه حصه قوشگن دولتلردن بیری تورکيه ایکنینی ایتیب، «بو حصه‌نی په‌سه‌یتیره‌میز. تولاونی مینیموم درجه‌گه په‌سه‌یتیره‌میز. اروپا آلدینگیدیک همکارلیگیمیزدن فایده‌لنه آلمه‌یدیلر. اولر قیلمیشیدن پُشیمان بوله‌دیلر»،-دیدی.
ایتیب اوتیش کیره ک کی، تورکيه اوتگن ییلی اروپا گه 33 ملیون یورو مادّي حصه قوشگن ایدی.
یینی شفق روزنامه‌سی ، « PYD نی اولیم قورقووی آلگن» سرلوحه‌سی بیلن بیرگن خبرگه کوره، تورکيه افرات دریاسی شرقیدن تروریستلرنی قوویب چیقریش تشبثیدن سونگ، ترور تشکیلاتی پی کاکا و اونینگ سوريه‌ده‌گی همکاری PYD سراسیمه‌گه توشدی.
امریکا باشچیلیگیده‌گی داعشگه قرشی کوره‌ش خلق ارا ائتلاف گه تورکيه نی تا‘خته‌تیشگه چقیرگن ترور تشکیلاتی خلق‌ارا میدانده اوزینی جبرلنگندیک قیلیب کورسه‌تیشگه اورینماقده.
PYD ترور تشکیلاتی تورکيه نینگ حربي اعملیات لرینی ینه ده کوچه یتیریش احتمالیگه قرشی چاره صفتیده «اوچیش من قیلینگن حدود» تأمینلنیشینی طلب قیلماقده.
عراق-سوريه-تورکيه چیگره گذرگاهینی اوز ایچیگه آلگن منطقه نی قولدن بای بیرمسلیککه حرکت قیلگن ترور تشکیلاتی رهبرلری عملیاتدن سونگ «خوفسیز حدود» تشکیل قیلیش طلبینی کوچه‌یتیردی
حریت روزنامه سی آماجیمیز مشترک دیگن خبریده، امریکا قوشمه ایالتلری انرژی وزیری ریکی پیری ترکیه نینگ مهم بیر انرژی انتقال بیرووچی اولکه سی ایکن لیگینی ایتدی. امریکا ترکیه بیلن تورلی ساحه ده همکارلیک قیلگن لیگی اوچون فخرلنه دی. تجارت و ناتو متفقیمیز. بیز ترکیه نی منطقه اوچون مهم انرژی تجارت مرکزی اوله راق کوره میز دیگن لیگینی یازماقده.
