ترکیه نینگ مطبوعات خلاصه لری 5.12.1395

ترکیه نینگ مطبوعات خلاصه لری 5.12.1395

ستار روزنامه سی: ایردوغان – ترامپ اوچره شووی می آییده بولیب اوته دی:

جمهور رئیس لیک سوزلاوچیسی ابراهیم قلین، جمهور رئیس ایردوغان نینگ مارچ آیی جریانیده روسیه گه سفر قیلرلیگینی، می آیی جریانیده ایسه ناتو رهبرلر جلسه سیده امریکا قوشمه ایالتلری دولت باشلیغی دونالد ترامپ بیلن اوچره شرلیگینی ایتدی. قالین جمهور رئیس ایردوغان نینگ کیلگوسی آی روسیه ده ترکیه – روسیه یوقاری مرتبه لی همکارلیک شوراسی جلسه سیگه اشتراک ایترلیگینی بیلدیردی. سوزلاوچی جمهور رئیس ایردوغان بیلن امریکا قوشمه ایالتلری دولت باشلیغی دونالد ترامپ نینگ می آیی جریانیده ناتو رهبرلر جلسه سیده  اوچره شرلیگینی ایتدی. خصوصی اوچره شووده ترکیه – امریکا قوشمه ایالتلری مناسبتلری مطرح بولیب اوته دی، دیگن لیگینی یازماقده.

صباح روزنامه سی: دارائی صندوقی ساختمانی شرکت لرنینگ مسئله سینی حل قیله دی:

چیت ایل ساختمانی شرکتلر ساحه سیده دنیا مقیاسده 250 شرکت آره سیگه اورین آلگن 45 شرکت گه مکافات بیرگن جمهور رئیس رجب طیب ایردوغان، ساختمانی شرکتلرنینگ تظمینات مسئله سی اوچون دارائی صندوقیدن استفاده ایتیلرلیگینی بیلدیردی. ایردوغان انقره ده اویوشتیریلگن چیت ایل ساختمانی شرکتلر مکافات احتفالی گه قتنشدی. ایردوغان، ترک ساختمانی شرکت لرنینگ اینیقسه یقینت منطقه لرده جوده موفقیت لیک بیلن ایش آلیب بارگن لیکلرینی قید ایتیب، "بیز ساختمانی شرکت لریمیزنینگ چیت ایللرده پروژه آلگنلیگینی یالغیزگینه اقتصادی مفاد دیب کورمه ی میز. ساختمان بیلن بیرگه لیکده مدنیتلر آره سیده کوپریک بولیب تورگنلر. ایش ساحه سیده بیراغیمیزنی آسگن هر بیر شرکن اولکه میزدن نماینده سی دیر، دیگن لیگینی یازماقده.

وطن روزنامه سی: "آل بیراق: انرژی صادراتی گه باشلنه دی دیب یازگن خبریده:

انرژی و معدن وزیری برات آل بیراق، ترکیه ئنینگ بوندن سونگره وطنی انرژی منبع لریگه علاقه کورسترلیگینی بیلدیریب، "ترکیه انرژی اوچون ییل ده 50 ملیارد دالر تشقریده بیرماقده لیکن بوندن بویان کمراق بیره دی. بو بعضی بیرته لرگه یاقمه یدی، دیدی. انرژی بازاری توزه تووچی موسسه سی نینگ 15 نچی ییل لیگی اوچون صحبت قیلگن آل بیراق سونگی پیتلرده یوز بیرگن گلوبال بحرانلرگه قره مه ی ترکیه نینگ انرژی ساحه سیده توسعه قیلیب، زیر بنائی سرمایه گذارلیک لرگه دوام ایتیب تورگن لیگینی و اوتگن ییل انرژی تولیدی نینگ 49.3 فایزینی وطنی منبع لردن آلگن لیگینی بیان ایتدی. 10 ییل کیین انرژی صادراتی گه باشله یمیز، دیگن لیگینی یازماقده.

خبر ترک روزنامه سی: جلسه اویوشتیرمه ی ایلگری کیتیلمه یدی:

اروپا بیرلیگی وزیری عمر چیلیک، پولندده ترکیه بیلن اروپا بیرلیگی آره سیده بیر جلسه اویوشتیرمه ی ایلگری باریش نینگ ممکن ایمس ایکن لیگینی معلوم قیلیب، اروپا بیرلیگی نینگ اوزاق مدتدن بیری بیر ترکیه سیاستی یوق دیر. آتی توسعه دن مسؤل کمیشنر لیکن صحبت لریده دواملی ترکیه نی قوشنی لیک معناسیده جای بیرماقده. بیر آخرین درجه ینگلیش دیر. ترکیه اروپا بیرلیگی جلسه سی نینگ ییل نینگ بیرینچی یرمیده بولیب اوتیشینی کوتماقده میز. انیق عملی حرکت اجرا ایتیلسین" دیگن لیگینی یازماقده.

حریت روزنامه سی: اوی ساتیب آلگن بیر ییل گچه ساتالمه یدی:

حکومت خارجیلرگه اوی ساتیش توغریسیده آیان لیک کیلتیرگن لیگی بیلن علاقه لی انتقاد و تکلیفلرگه بناً ایککی ینگی حکم کیریتدی. "قیمتی نینگ اوستیگه ضمیمه قیلینگن مالیه" دن معاف بولیب ملک آلگن خارجیلر بو ملکلرنی بیر ییلگچه ساتالمه یدیلر. ملکیت لرینی بیر ییلدن کم مدت ده ساتماقچی بولگن خارجیلر " قیمتی نینگ اوستیگه ضمیمه قیلینگن مالیه " دن معاف توتیلمه یدی. بو قانون لایحه سی چیت ایلده حیات کیچیریب تورگن ترکلرنی هم اوز ایچیگه آلماقده.