ترکیه نینگ مطبوعات خلاصه لری 3.12.1395

ترکیه نینگ مطبوعات خلاصه لری 3.12.1395

ستار روزنامه سی: رقه اوچون اوچره شوولر دیب یازماقده:

امریکا قوشمه ایالتلری مرکزی خبر آلووچی تشکیلاتی (CIA) باشلیغی مایک پومپیو و امریکا قوشمه ایالتلری قوراللی کوچلر قومندانی جوزیف دانفوردنینگ آرتیدن انقره بو بار امریکا قوشمه ایالتلری سناسی قوراللی کوچلر کمیته باشلیغی سناتور جان مک کین گه میزبانلیک قیلدی. کیین مه کیین بولیب اوتگن اوچره شوولرنینگ اساسی موضوعسی رقه عملیاتی دیر. جمهور رئیس رجب طیب ایردوغان بیلن سناتور مک کین اوچره شووی 80 دقیقه دوام ایتدی. ترک قوراللی کوچلری نینگ سوریه ده ترور تشکیلاتلریگه قره ته آلیب بارگن فرات قالقانی حرکاتی و احتمالی رقه عملیاتی مطرح بولدی. اوچره شووگه باش وزیر بن علی ییلدیریم هم اشتراک ایتدی. حکومت سوزلاوچیسی نعمان قورتولموش، ترکیه نینگ امریکا قوشمه ایالتلریدن یوقاری مرتبه لی کیشی لر بیلن اوچره شگن لیگی نینگ یخشی ایکن لیگین بعضی بیر کیلیشمس لیکلرنینگ برطرف ایتیلیب باشلنگن لیگینی بیان ایتگن لیگینی یازماقده.

خبر ترک روزنامه سی: هر بیر کیمه نینگ ترک بیراغی آسیشی کیره ک، دیب یازگن خبریده:

ترکیه نی دنیانینگ کیمه توریزمی قیلیش اوچون آلیب باریلگن ترک بیراغیگه تشویق قیلووچی لایحه لر تیارله گن حکومت، ترک بیراغی آسمه گن کیمه لرگه ترکیه ده قالیش مدتی لریگه محدودیت کیلتیریله دی. خارجی بیراغی بولگن کیمه لرنینگ بیر ییل جریانیده اینگ کوپ 90 ویا 120 کون ترک بندرلریگه قالیش لری ممکن. ییل نینگ ایریم آیلرینی چیت ایللرده اوتیش گه مجبور بوله دی. حکومت کیمه لرنینگ ترک بیراغیگه اوتیشی اوچون مالیه آلمه یدی، دیب یازماقده.

حریت روزنامه سی: 68 اولکه دن 400 سوداگر خاتین ترکیه گه کیله دی، دیب یازگن خبری نینگ دوامیده:

خاتین سوداگرلرگه خلق ارا مقیاسده گی بازارلرده ایش تاپیش لری اوچون خلق ارا تجارت مرکزی تامانیدن آلیب باریلگن ییغین بو ییل 22-23 نچی اپریل تاریخلریده استانبول ده بولیب اوته دی. ییغین گه ترکیه قاله ویرسه مکسیکا، چین، نایجریا، عاج ساحلی و گانا کبی 68 اولکه دن نساجی، تیکنالوژی و معلوماتی و سیاحت ساحه سیدن 400 کیشی خاتین – قیز قتنشه دی. ترکیه دن 90 سوداگر عیال قتنشرکن، تقریباً 10 ملیون حجم کوتیلگن لیگینی یازماقده.

صباح روزنامه سی: قرینداشلیک کوپریگی بنا قیلیشیمیز کیره ک:

جمهور رئیس رجب طیب ایردوغان نینگ تورموشی امینه ایردوغان، انقره ده حیات کیچیریب تورگن خاتین – قیزلرنی قبول ایتدی. جمهور رئیس لیک اوییده بولیب اوتاگن اوچره شوو، پناهنده لر توغریسیده ایش الیب باراتگن اداره لرنینگ عین دمده انسانی یاردم نهادلری نینگ نماینده لری هم اشتراک ایتگن ایدی. امینه ایردوغان، " اولکه میزده دنیاگه کیلگن باله لرنی قولدن بیریلگن بیر نسل ایکن لیگیدن چیقریب، اولرگه اساسی تربیه بیریش نی خواهله یمیز. یاش – ییگیت لر تحصیل دن قالمه سین. انصار و مهاجر قرینداش لیگیدن مدنیت لر آره سی کوپریک بنا قیلیش کیره ک دیگن لیگینی یازماقده.

یینی شفق روزنامه سی: جنوبی قطب قاره سیده ترک علمی مرکزی اوچون سفر اویوشتیریله دی دیب یازگن خبریده:

ترکیه نینگ قطب بیلیم لری اوستیده فالیت قیلیب تورگن یگانه مرکز استانبول تخنیک عالی بیلیم یورتی قطب تحقیق آلیب بارووچی مرکزی مدیری بورجو اوز سوی بیلن ابتدائی تیکشیروو گروهی جنوبی قطب ده ایجاد ایتیلماقچی بولگن ترک مرکزی اوچون فعالیت قیلیش مقصدی بیلن کیلگوسی کونلرده حرکت قیله دی. بو گروه ملیونلب کشف نینگ اینگ صاف وضعیتینی اوز ایچیگه آلگن قطب ده بیراغیمیزنی آسه دی، دیب یازماقده.