ترکیه نینگ مطبوعات خلاصه لری 4.11.1395

ترکیه نینگ مطبوعات خلاصه لری 4.11.1395

یینی شفق روزنامه سی: ترمپ اورته شرق اوچون آگاهلنتیریلدی دیب یازگن خبری نینگ دوامیده:

جمهور رئیس رجب طیب ایردوغان، شرق افریقا سیاحتیدن آلدین بیرگن بیاناتیده امریکا قوشمه ایالتلری نینگ ینگی دولت باشلیغی دونالد ترمپ اداره سینی اورته شرق بیلن علاقه لی آگاهلنتیردی. ایردوغان اورته شرق نینگ تجزیه قیلیش پلانلریدن بحث قیلیب، "بیز توپراقلریگه احترام قیلینگن بیر اورته شرق خواهله ی میز. بعضی بیر ناراحت ایتووچی سوزلر قولاغیمیزگه کیلماقده. بیز پارچه لنگن بیر اورته شرق اصلاً خواهله مه ی میز بو توغری بیر حادثه ایمس. بو بیلن اورته شرق نینگ خلقی حرمت سیزلیک بوله دی. ترکیه اوله راق بونقه بیر مفکوره گه "اینگ" دیب ایتالمه ی میز، دیگن لیگینی یازماقده.

ستار روزنامه سی: آستانه ده اوچره شوولر باشله یدی دیب یازماقده:

روزنامه، سوریه نینگ ایچکی اوروشینی توخته تیش اوچون ترکیه، روسیه، ایران و امریکا قوشمه ایالتلری مخالفلر و اسد حکومتی نینگ اشتراکی بیلن آلیب باریله دیگن قزاقستان نینگ پایتختی آستانه ده گی اوچره شوو بوگون بولیب باشلنه دی. مطبوعات آلینمه یدی و 24 ساعت دوام ایته دی. اوروش قیله دیگن تامانلرنی بیر آره گه کیلتیریب اوچره شتیره دیگن جلسه گه سوریه حکومتیدن بیرلشگن ملتلر تشکیلاتی بویوک ایلچیسی بشر الجعفری رئیس لیک قیله دی. انقره ده همفکر بولگن مخالفلر ایسه اسلام اردوسی نینگ نماینده سی محمد علوش ریاستیده تقریباً 50 نماینده بیلن قتنشه دی دیب، یازماقده.

حریت روزنامه سی: چیگره حدودیده شهرک دیب یازگن خبریده:

سوریه ده داعش نینگ قولیدن تمیزلنگن 2 مینگ کیلو مترلیک ساحه ده حیات تکرار باشلنه دی. زیربنائی فعالیت لر، داش خانه لرنینگ آچیلیشی، تمیز سوو بیریلیشی، معارف نینگ عملی بولیب باشله ییشی و ضرر کورگن دولت اداره لرنی قیته دن قوریش اوچون ترکیه ده ملکی اهالی یوباریله دی.  معلم، داکتر، نرس، گریدر کار و فوائید عامه گروه لری عین دمده عافت و عاجل وضعیت لر اداره سی ملازیم لری هم وظیفه آله دیلر دیب یازماقده.

خبر ترک روزنامه سی: تشقی تجارت ده ترامپا نینگ دوری دیب یازگن خبری نینگ دوامیده:

ترامپا کانالی بیلن آلیب باریلگن تشقی تجارتگه ایران نینگ آرتیدن روسیه هم قوشیلدی. گمرک و تجارت وزیری بُلند تفنگچی واردات و صادراتده مال نینگ ایریم مال بیلن المه شووی معناسیگه کیلگن ترامپانی برچه اولکه لرگه ییره تیش اوچون فعالیت آلیب باراتگن لیکلرینی بیان ایتدی. تفنگچی "ترامپا عین دمده ترکیه نینگ اسعارگه باغلیغ بولیب قالیشینی کم قیله دی. حاضرگچه یالغیزگینه ایران بیلن آلیب باریلماقده ایدی. منه ایندی بیر هفته دن بیری روسیه هم استفاده ایتیب باشله دی دیگن لیگینی یازماقده.

صباح روزنامه سی: 2017 0 ییل بویوک پروژه لر عملی بوله دیگن ییل بوله دی دیب یازماقده:

خلق ارا اساسی گذرگاه لر اوستیده اورین آلگن ترکیه نینگ منطقوی و قاره لر آره سی تجارت توغریسیده بیر کوپریک وضعیتی گه کیلیشی اوچون آلیب باریلماقچی بولگن بویوک پروژه لرگه بو ییل نینگ جریانیده باشله نیشی ریجه لنگن. 1915 چاناق قلعه کوپریگی، باکو- تیفلیس- قارس تیمیر یولی پروژه سی، ریزه – آرتوین قونلغه سی قراردارلری مطرح پروژه لردن دیر. دینگیز اوستیده توزه تیله دیگن قونلغه 2 ملیون یولچی گه خدمات بیره دی دیب یازماقده.