امریکالیک بیر عسکر اسلام مرکزینی پارتلتماقچی بولگن حالده اسلامنی تنلب مسلمان بولدی

امریکالیک بیر عسکر "نفرت" قیلگن لیگی باعث پارتلتماقچی بولگن اسلام مرکزی گه بارگن سری اسلامنی تن آلیب مسلمان بولدی.

ینگی زیلاندده ایککی مسجدگه اویوشتیریلگن ترورچیلیک حادثه سی نینگ آرتیدن آق تن لیک و اسلام دشمن لیگی غوغاسی دوام ایترکن، امریکالیک سابق عسکر ریچارد مک کینی نینگ حادثه سی یوزه گه چیقیب قالدی.

مک کینی، ایندیئاناده گی اسلام مرکزینی پارتله تیب یوبارماقچی بولگن بیر سابق عسکرنینگ خوددی شو مرکزنینگ باشلیغی بولیب قالگن حکایه سینی محلی مطبوعاتگه بیان ایتدی.  

محلی مطبوعاتده گی خبرلرگه کوره، امریکا قوشمه ایالتلری دینگیز پیاده چوکاتیده اورته شرق، سومالی، فلپین، جنوبی امریکا کبی منطقه لرده اوزاق مدت وظیفه آلیب بارگنینی معلوم قیلگن مک کینی، مملکتی گه قیتیب بارگندن کیین یوراگی نینگ "مسلمانلرگه قره ته نفرت بیلن" تولیب تاشگن لیگینی بیلدیردی.

شونده ی قیلیب بویوک بیر مسجدنی پارتله تیب انچه مسلماننی اولدیریش و یره لشنی مقصد قیلیب آلگن حالده یقینده گی مونسی اسلام مرکزینی پارتله تیشنی ریجه له گن لیگینی بیان ایتدی.

کونلردن بیر کونی قیز باله سی نینگ مکتبدن کیلیب صنفلریگه کیلگن ینگی بیر مسلمان قیز باله نینگ کییمی بیلن تیگیشلی معلومات بیریشی نینگ ارتیدن قیزیقیب منطقه ده گی اسلام مرکزیگه باریب مسلمانلر بیلن تنیشگن لیگینی افاده ایتدی.

اوشبو مسلمانلرنینگ قرآنکریمدن آیتلر اوقیب ترجمه قیلگن لیکلرینی و 8 هفته باریب کیلگنده اسلام دینی نینگ منطقی نینگ اوزیگه ماس کیلگنینی و شهادت کیلتیریب مسلمان بولگنینی قید ایتدی.

مک کینی، بیر پیتلرده بو اسلام مرکزینی پارتله تیب یوباریشنی ریجه له ماقده ایکن ایندی بو مرکزنینگ باشلیغی بولیب قالگن لیگینی معلوم قیلیب، انه شو اسلام مرکزی و مسلمانلرنی قوریقلش اوچون قولیدن کیلگننی ایه مس لیگینی افاده ایتماقده.