تورکیه نینگ چیت ایللرده گی تورک لر و قرینداش جمعیت لر ریاستی حقیده قیسقه معلومات

اولکه لرنینگ اساسی مقصدی, دنیا نینگ قییریده بولیشی گه قره می, اوز تبعه لری نینگ حق و منفعت لری نی حمایه قیلیش دن عبارت.  مستقل اولکه لر گه خاص اوشبو فعالیت, تشقی سیاست نینگ اینگ اساسی قسمیدن عبارت بولگن لیگی دیک, واز کیچیلیشی ممکن بولمه گن بیر اعتبار مسئله سیدن هم عبارت البته که.

2000 – ییلی دن کیین تشقی سیاست ده گی اعتباری آرتیب کیتگن تورکیه جمهوریتی نینگ قیزیقیب کیلیاتگن اینگ مهم موضوع لر دن بیری, 1960 – ییلی دن سونگ چیت لرده یشب باشله گن و حاضرگی کونده سانی 6 میلیون کیشی دن هم آشیب کیتگن تورک تبعه لری دن عبارت. 

2010 – ییلده قوریلگن چیت ایللرده گی تورک لر و قرینداش جمعیت لر ریاستی خوددی شوو ساحه بوییچه ایش لرنی تنظیم قیلماقده.

بیر دیاسپورا دیپلماسی سی اداره سی صفتیده قبول قیلینیشی ممکن بولگن اوشبو ریاست, کوپچیلیگی اوروپا اولکه لریده یشیاتگن تورک تبعه لری نینگ تورکیه بیلن علاقه لی ایشلری نی قیلیش بیلن بیر قطارده, اوز فرهنگ, عنعنه و یورت محبت لری نی اسره ب قالیش لری و یشب تورگن اولکه لرده تبعیض کبی معما لرگه قرشی قنده ی قیلیب چیدش کیره ک ایکن لیگی توغریسیده معلومات بیریش سنگری فعالیت لر نی هم عملگه آشیرماقده. 

اوشبو ساحه بوییچه فعالیت لری نی اینیقسه چیت ایللرده یشیاتگن یاش تورک لر گه قره تگن خوددی شوو ریاست, تورک تبعه لری نینگ یشب تورگن اولکه لرده تینگ حقوققه ایگه بیر شکلده اجتماع گه فعال و فایده لی روشده قوشیلیش لری نی تامین قیلیش نی هدف قیلیب آلماقده.