الهی کتابلر

الله تعالی مَلَکلر واسطه سی بیلن وحی یوباریب انسان لر بیلن دیالوگ قورماقده. تنگری تعالی نینگ بویروقلری کتابلری بیلن انسان لرگه ییتیشتیریلیب بیریلگن. الله تعالی کلامیدن عبارت کتابلر بیلن انسان لر گه توغری یولنی کورسه تیب بیررایکن, حق و وظیفه لری بیلن بیر قطارده, حق بیلن باطل نینگ قنده ی قیلیب اجره تیلیشی کیره ک ایکن لیگی نی هم توشینتیریب بیرگن. الهی کتابلر, الله تعالی نینگ مقدس قانونلریدن عبارت. شونده ی قیلیب الله نینگ انسانلر گه اینگ مهم لطفلریدن بیری نی تشکیل ایتماقده.

پیامینی بیلدیریش اوچون الله تعالی نینگ پیغمبر لری گه یوبارگن الهی کتابلری گه ایمان, ایمان نینگ اساسلریدن بیری نی تشکیل ایتماقده.

کتابلر گه ایمان, الله نینگ کلامینی نینگ توغری و حقیقت ایکن لیگی گه ایمان ایتیش دیمک.

کتابلر گه ایمان, الله نینگ انسانلر آره سیدن سیله گن پیغمبر لر نینگ معلوم بیر قسمی گه کتابلر یوبارگن لیگی و اوشبو کتابلر نی قبول ایتیب خودی منه شو کتابلر گه اویغون بیر شکلده اوز حیاتینی دوام ایتتیره دیگن کیشی لر نینگ دنیا و آخرتده خرسند بوله دیگن لیک لری گه انیق روشده ایشانیشدن عبارت.

کتاب گه ایشانیش, حیاتنی کتاب گه کوره تنظیم ایتیش و کتاب حُکملرینی کمچیلیکسیز بیر شکلده تطبیق ایتیش گه حرکت ایتیش دیمک.

الله تعالی, (الله نی, ملکلری نی, کتابلری نی, ایلچی لری نی و آخرت کونی نی انکار ایته دیگن کیشی لر یولدن انحراف ایتیب کیتگن کیشی لر دن عبارت" شکلیده بویریب, کتاب لر گه ایمان ایتمسلیک نینگ یولدن چیقیب کیتیش و کفر دن عبارت ایکن لیگی نی بیورگن.

الهی کتابلر, الله نینگ کلام صفتی نینگ بیر اثریدن عبارت. باشقه چه قیلیب ایتگنده وحی یولی بیلن پیغمبر لری گه بیلدیرگن پیام لرنینگ انیق بیر شکلیدن عبارت الهی کتابلر. الله تمانیدن یوباریلگن لیگی و سوزلری و محتوی سی نینگ فقط گینه الله تعالی گه عاید ایکن لیگی سببلی پیغمبر لر گه نازل بولگن کتابلر الهی کتابلر اوله راق یاد ایتیلماقده. الهی کتاب لرنینگ همه سی الله نینگ کلامیدن عبارت. منبع لری و پیاملری جهتیدن آره لریده هیچ قنده ی بیر فرق نینگ موجود ایمسلیگی گه قره مسدن, قرآن کریمدن باشقه کتابلر نینگ انسانلر تمانیدن اوزگرتریلگن لیگی نی هم ایسله تیب اوتیشی میز کیره ک. قرآن کریم الله دن کیلگن لیگی دیک اسره لیب قالینگن و قیامت کونی گه قدر خودی منه شونده ی دوام ایته دیگن لیگی بیلدیریلگن.

الله نینگ کتابلری, اونینگ سوز لری نینگ حرف و سطرلر حالیده گی شکلیدن عبارت. شوباعث اونینگ کتابلری, سوزلر نینگ اینگ یخشی سینی تشکیل ایتماقده. شونینگ اوچون پیغمبری میز حضرت محمد (ص) بیر حدیث شریفلریده, "الله اوچون, اوزی نینگ سوزلریدن یخشیراق باشقه بیر سوز یوق. بنده لر هم الله گه اوز سوزیدن یخشیراق بیر سوز بیلن جواب بیرمه گن" شکلیده بویریب الله تعالی نینگ کلامی گه اوخشش باشقه کلام نینگ موجود ایمسلیگی نی بیلدیرگن.

الله تعالی, یوبارگن کتابلریده, انسان نینگ ربی نی توغری بیر شکلده تانیب اونگه بنده لیک ایتیشی نی بیورگن. الهی کتاب لرنینگ محتوی سی عموماً عقیده و عبادت لر, اخلاقی مسئولیتلر, اوتمیش امتلرنینگ تجربه لری, دنیا حیاتی اوچون مهم امر لر و آخرت حیاتی نینگ ماهیتی سنگری موضوعلردن عبارت. الله تعالی الهی کتابلرده بیلدیرگن اساسلر بیلن دنیا و آخرتده انسان لرنینگ خرسند بولیش یوللری نی کورسه تیب بیرگن.

قرآن کریم و حدیث شریفلرده بیلدیریلگن لیگی دیک, تورات حضرت موسی گه, زبور حضرت داوود گه, انجیل حضرت عیسی گه و قرآن عظیم الشان ایسه پیغمبری میز حضرت (ص) گه نازل بولگن. عینی دمده حضرت آدم گه ۱۰, حضرت شیث گه ۵۰, حضرت ادریس گه ۳۰ و حضرت ابراهیم گه ۱۰ صفحه نازل بولگن لیگی بیلدیریلماقده.

حضرت پیغمبر و قرآن کریمدن خبری بولگن برچه انسان لر اوشبو الهی چقیریق نینگ مخاطبی صفتیده الله تعالی نینگ یوبارگن سونگگی پیغمبر و سونگ کتاب گه ایمان ایتیشی کیره ک.

قرآن کریم قیامت گه قدر کیله دیگن برچه انسان لرگه خطاب ایتیب و اوشبو انسان لر گه یول کورسه تیب بیرماقده. انسان لرنینگ اوز تجربه و عقلیدن فایده له نیب قرآن کریم نینگ بویروق لری گه کوره اوز حیات لری نی تنظیم ایتیش لری بویریلگن. پیغمبری میز, "سیز گه اونده ی بیر نرسه تشلب کیته من که اوندن اوزاق لشمسلیگینگیز تقدیرده یولدن چیقیشینگیز ممکن ایمس. بو الله نینگ کتابیدن عبارت" شکلیده بویرگنلر. شونده ی قیلیب الله تعالی امتی گه تشلب کیتگن اینگ کتته میراثی نینگ قرآن کریمدن عبارت ایکن لیگینی بویرگن.

الهی کتابلر نینگ یوباریلگن لیگی نینگ حکمتی حقیده قوییده گی نرسه لر نی ایتیب اوتیشی میز ممکن.

الهی کتابلر انسان لر اوچون رهنما دن عبارت. الله تعالی گه بنده لیک قیلیش, طبعیت بیلن ارتباط قوریش و انسان لر بیلن بیرگه یشش نینگ یوللری و اساسلری اوشبو کتابلر وسیله سی بیلن بیلدیریلگن.

اوشبو کتابلر دن فایده له نیلیب الله نینگ حکملری اورگه نیلماقده. خودی منه شو کتابلرنینگ بولمسلیگی تقدیرده, انسان لر اوز حیاتلری نی تنظیم ایتیش یوللری نی تاپه آلمس ایدیلر. شونده ی قیلیب انسان لر یره تیلیشلری نینگ حکمتلری, مسئولیتلری, وظیفه لری و آخرتلری حقیده معلومات ایگه سی بوله آلمس ایدیلر.

کتابلرده اورین آلگن پیاملر, انسان لرنینگ اوز استعدادلری بیلن درک ایته آلمیدیگن خصوصلردن عبارت. انسان اوزی بیلن علاقه لی یخشی یاکه یمان ایشلر, کیله جگی و نفسی گه قرشی قنده ی قیلیب کوره ش آلیب باریشی کیره ک ایکن لیگی نی بیله آلمیدی. اوشبو معلومات لر نینگ بیریلمسلیگی تقدیرده, انسانلرنینگ اوتمیشی و کیله جگی حقیده بیلگی ایگه سی بوله آلمیدیگنلیگی دیک, امتحاندن عبارت دنیا حیاتیده هم موفقیتسیزلیک گه دوچ کیلیب قالگن بولرایدی.

الهی کتابلر انسان لر آره سیدن سیلنگن بیر پیغمبر آرقه لی یوباریلگن و الهی بویروقلر ایلک مراتبه اولر تمانیدن تطبیق ایتیلدی.

کتابلر, پیغمبر لر دن کیین هم استفاده ایتیلماقده. اوشبو کتابلر وسیله سی بیلن انسان لر الله نینگ دینی حقیده معلومات کسب ایته دیلر. شونده ی قیلیب انسانلر و جامعه معنوی جهتدن حیاتده گی کوچی نی آرتیره دی.

ربی میز بیز نی ایماندن تولیق شعورلی مسلمانلر دن ایله سین انشا الله.