افغانستان اردوسی نینگ اوتیلیشی گه امریکا کوچلری نینگ چیقیشی کتته تاثیر قالدیرگن لیگی بیلدیریلدی

امریکا قوشمه ایالتلری کوچلری نینگ افغانستاندن نی ترک ایتیب چیقیشی نینگ اردونینگ طالبانگه قرشی کوره شده اوتیلیشی گه تاثیری بارلیگیدن خبر بیریلدی.

امریکا قوشمه ایالتلری مدافعه وزیرلیگی (پینتاگون) نینگ یوقاری ییتکچیلری تامانیدن تیارلنگن و امریکا قوشمه ایالتلری کنگره سیگه تقدیم ایتیلگن افغانستان نی قیته قوریش عمومی مفتش لیگی (SIGAR) راپوریده افغانستان اردوسی نینگ اوتیلیشی گه چیقیش جریانی نینگ تاثیریگه دقت قره تیلدی.

مذکور راپورده سابق امریکا قوشمه ایالتلری کوچلری دولت باشلیغی دونالد ترامپ نینگ 2020 ییلی طالبان بیلن خلق ارا کوچلرنینگ افغانستاندن چیقیشی بوییچه کیلیشیشی نینگ افغانستان اردوسی نینگ روحیه سیگه سلبی تاثیر قالدیرگنی افاده ایتیلدی.

راپورده انچه افغانستانلیک نینگ امریکا قوشمه ایالتلری کوچلری نینگ طالبان بیلن کیلیشیب آلیشی نینگ "یمان نیتلی حرکت ایتیب کورگن لیگی و امریکا قوشمه ایالتلری کوچلری تیزده چیقیش اوچون افغانستان نی دشمن گه تسلیم ایتگن لیگی گه" ایشانگن لیگی قید ایتیلدی.  

امریکا قوشمه ایالتلری استخباراتی نینگ افغانستان حکومتی نینگ تیزده چوکیب کیتیشینی کورالمه گن لیگی تاکییدلنگن حالده امریکا قوشمه ایالتلری کوچلری نینگ افغانستان اردوسیگه منبع تامین ایتیش و حربی تعلیم توغریسیده ناموفق ایکن لیگی بیلدیریلدی.

مذکور راپورده افغانستان اردوسی نینگ امریکا قوشمه ایالتلری تکنالوجیسی گه باغلیق بولیب قالیشی نینگ هم سلبی تاثیرلریگه اشاره قیلیندی.

امریکا قوشمه ایالتلری بیلن طالبان اورته سیده 2020 ییلی فبروری آییده قول قوییلگن کیلیشوو دایره سیده 2021 ییلی خلق ارا کوچلرنینگ افغانستان نی ترک ایتیب چیقیش جریانی باشله شی بیلن پایتخت کابل نی اوگیریب آلگن طالبان 2021 ییلی 15 اگستده جمهور باشلیغی اشرف غنی نینگ اولکه دن قاچیب کیتیشی نینگ ارتیدن توقنه شووسیز روشده کنترول نی قولگه کیریتیب الگندی.

امریکا قوشمه ایالتلری نینگ 31 آگستده افغانستان نی ترک ایتیب چیقیش جریانینی اوز نهایه سیگه ییتگندی.