روسیه امریکا قوشمه ایالتلری نینگ طالبان بیلن کیلیشیب آلیشی گه طرفدار

روسیه جمهوررئیسی ولادیمیر پوتین نینگ افغانستان بوییچه خاص نماینده سی ضمیر کابلوف, امریکا قوشمه ایالتلری نینگ طالبان بیلن کیلیشیب آلیشی نی آرزو قیلیاتگن لیک لری نی معلوم قیلدی. 

روسیه خبر آژانسی نووستی تامانیدن بیریلگن خبرگه کوره, کابلوف, کیلگوسیده امریکا قوشمه ایالت لری مسئول لری بیلن افغانستان مسئله سی بوییچه اوچره شیش لری نینگ ممکن ایکن لیگی نی معلوم قیلرایکن, طالبان بیلن ایسه تماس قوریش پلان لری نینگ بولمه گن لیگی نی بیلدیرگن.

کابلوف, "حاضرچه امریکا بیلن طالبان اورته سیده هر قنده ی بیر کیلیشوو نینگ بحث موضوعی بولگن لیگی توغریسیده سوز یوریتیش ممکن ایمس" دییه قید ایتدی. 

امریکا نینگ افغانستان بوییچه خاص نماینده سی زلمی خلیلزاد بیلن طالبان اورته سیده 16 کوندن بیری قطر دوام ایتیب کیلیاتگن مذاکره لر توناوکون اداققه ییتدی. 

خلیلزاد, اجتماعی ترماق لر آرقه لی بیرگن بیاناتیده, اوشبو مذاکره لر جریانیده, چیت ایللیک کوچلرنینگ افغانستان دن چیقیشی و افغانستان حدود لری نینگ باشقه گروه لر تامانیدن تهدید قیلینمسلیگی خصوصیده طالبان بیلن کیلیشیلیب آلینگن لیگی نی بیلدیرگن ایدی.