کابلده هندوستان وطنداشی بیر کیشی هلاکتگه اوچره دی

توناوکون کیچقرون افغانستان پایتختی کابلده یوز بیرگن انفجار حادثه سی عاقبتیده هندوستان وطنداشی بیر کیشی نینگ هلاکتگه اوچره گن لیگی بیلدیریلدی. 

اوشبو خبر هندوستان تامانیدن هم تائید قیلیندی.  افغانستان رسمی لری اوشبو انفجار حادثه سی عاقبتیده 4 کیشی نینگ جان بیرگن لیگی نی بیلدیرگن ایدی. 

هندوستان نینگ افغانستان سفارتی تامانیدن بیریلگن بیاناتده, اوشبو حادثه قتتیق قاره له نرایکن, خوددی شوو حادثه عاقبتیده بیر نفر هندوستان وطنداشی نینگ هم هلاکتگه اوچره گن لیگی معلوم قیلیندی. 

بیاناتده, اوشبو حادثه عاقبتیده جان بیرگن کیشی لرنینگ عایله لری گه تسلیت بیلدیریلدی. 

افغانستان ساغلیق نی سقلش وزیرلیگی اوشبو حادثه عاقبتیده 4 کیشی نینگ جان بیرگن لیگی و 113 کیشی نینگ ایسه یره لنگن لیگی نی معلوم قیلدی.

خوددی شوو انفجار نینگ مسئولیتی نی ایسه طالبان گروهی اوز بوینی گه آلدی.