آنتونیو گوترش اسرائیل نی قاره له دی

بیرلشگن ملتلر تشکیلاتی عمومی منشی سی آنتونیو گوترش, اسرائیل اردوسی نینگ 4 نفر اسیر نی قوتقریش اوچون نصیرات ده اویوشتیرگن هجوملرده یوزلب نفر فلسطینلیک نینگ اولدیریلگن لیگینی قاره له دی. 

بیرلشگن ملتلر تشکیلاتی سوزچیسی استیفان دوجاریک, اسرائیل نینگ نصیرات مهاجر لر کمپی و باشقه بعضی منطقه لر گه قره تیلگن هجوملری بیلن علاقه لی سئوال لر گه جواب قیتردی. 

گوترش نینگ, اسرائیل نینگ 4 کیشی نی قوتقریش اوچون 200 دن آرتیق فلسطینلیک نی اولدیرگن لیگی گه قرشی عکس العملی گه تیگیشلی سئوال گه جواب قیترگن دوجاریک, "عمومی منشی جوده خفه و یوزلب فلسطینلیک نینگ اولدیریلگن لیگی و یره لنگن لیگینی قاره له ماقده" دییه قید ایتدی. 

ینه بیر بار برچه تامان لر نی عادی اهالی نینگ امنیتی نی تامین ایتیش گه چقیرگن دوجاریک, انسان لرنینگ حیاتینی یوقاتیشی نینگ تراژدیک حادثه دن عبارت ایکن لیگینی بیلدیردی. 

اسرائیل اردوسی نینگ 8- جون کونی غزه نواری نینگ اورته قسمیده گی نصیرات مهاجر لر کمپی و باشقه فرقلی منطقه لر گه قره ته بیر وقت نینگ اوزیده اویوشتیرگن هجوملریده 64 نفری باله لر و 57 کیشی سی عیال لردن عبارت توپلم 274 فلسطینلیک حیاتینی یوقاترایکن, 698 فلسطینلیک نینگ ایسه یره لنگن لیگی بیلدیریلگن ایدی.  اوشبو یره لنگن لرنینگ 153 نفری نینگ باله لر و 161 کیشی سی نینگ ایسه عیال لردن عبارت ایکن لیک لری معلوم قیلینگن ایدی.