اسرائیل اردوسی تامانیدن لبنان نینگ جنوبی گه هجوم اویوشتیریلدی

اسرائیل اردوسی تامانیدن لبنان نینگ جنوبیده اویوشتیریلگن هوا هجومی عاقبتیده یره لی تلفات بارلیگیدن خبر بیریلدی.

لبنان رسمی خبر آژانسی NNA بیرگن خبرده اسرائیل گه باغلیق هیداوچیسیز هوا واسطه لری (درون) بنت جبیل تومنیده بیر موترسایکل نی نشان آلیب اورگن لیگی معلوم قیلیندی.

شهر مرکزیده گی صلاح گاندور کسلخانه سی نینگ یقینیده اویوشتیریلگن هجوم عاقبتیده یره لیلر و تلفات بارلیگی بیلدیریلدی.   

حزب الله نینگ هم لبنان نینگ جنوبیدن چیگره ده جایلشگن اسرائیل نینگ حربی مرکزلری گه ایککی مرته هجوم اویوشتیرگن لیگی قید ایتیلدی.

حزب الله تامانیدن بیریلگن بیاناتده، اسرائیل نینگ مرگالیئوت مسکونی منطقه سیده گی عسکری واسطه بیلن المالکیه عسکری موضع سیگه راکت اوروب هجوم اویوشتیریلگن لیگی افاده ایتیلدی.

اسرائیل اردوسی بیلن 8 اکتوبردن بیری چیگره ده دوام ایتگن توقنه شوولرده اولگن حزب الله منسوبی سانی 320 گه ییتدی.

باشقه تاماندن توقنه شوولرده حلی گچه 63 نفر لبنانلیک تینچ اهالی 19 نفر امل حرکتی اعضاسی، 15 ته فلسطین اسلامی جهاد و 13 ته حماس منسوبی، 14 ته اسرائیللیک عسکر و 10 نفر اسرائیللیک تینچ اهالی نینگ اولگن لیگی بیلیریلگندی.