ناتو باش کاتبی: مدافعه خرجتلرینی کوچه یتیریش گه مجبورمیز

ناتو باش کاتبی ینس ستولتنبرگ، "مدافعه خرجتلرینی کوچه یتیریش گه مجبورمیز، بحرانلر تاباره کوپه ییب بارماقده." دیدی.

ینس ستولتنبرگ بلجیم نینگ پایتختی بروکسل ده گی ناتو قرارگاهیده هالند اوتیش دوری حکومتی نینگ باش وزیری مارک روت، دنمارک باش وزیری مته فردریکسن و چیکیا باش وزیری پیتر فیالا بیلن مشترک مطبوعاتی کنفرانس اویوشتیردی.

ستولتنبرگ بیر ژورنالیست نینگ "ایران و اسرائیل اورته سیده تاباره کوچه ییب بارگن بحران نینگ منطقوی بیر توقنه شووگه ایلنیش ریسکیده ایکن لیگی، شونده ی بولیب غرب نینگ هم اوکراین همده اورته شرق ده گی توقنه شوونی گه جواب بیریش قادر هوا مدافعه سیستمی گه صاحب می؟ دیگن سوالگه "ناتو متفقلری بو ظرفیت گه ایگه دیر. بیرگه لیکده دنیانینگ عسکری کوچی نینگ 50 فایزینی تشکیل ایتماقده میز و کوچلی متفقلریمیز بار." دیب جواب قیتردی.

اوکراین ده دوام ایتیب تورگن اوروش و اورته شرقده یوزبیرگن توقنه شوولرنینگ ناتونینگ مدافعه بوییچه خرجتلرینی کوچه یتیریش هدفی نینگ اهمیتینی کورستگن لیگینی ایتگن ستولتنبرگ " مدافعه خرجتلرینی کوچه یتیریش گه مجبورمیز، بحرانلر تاباره کوپه ییب بارماقده. متفقلر قیلگن نرسه هم منه شو." دیدی.