تورکیه تشقی ایشلر وزیری بروکسل گه جونب کیتدی

تورکیه, تروریزم گه قرشی کوره ش نی ناتو رهبر لر ییغیلیشیده کون ترتیبی گه کیلتیره دی. 

ناتو تشقی ایشلر وزیرلری میلادی 2024- ییل نینگ دستلبکی ییغیلیشی اوچون جاری آی نینگ 3- و 4- کون لریده پایتخت بروکسلده بیر آره گه کیله دی. 

اوشبو ییغیلیشده اشتراک قیلیش مقصدی بیلن تورکیه جمهوریتی تشقی ایشلر وزیری خاقان فیدان بروکسل گه جونب کیتدی. 

ییغیلیش نینگ اساسی کون ترتیبی ناتو نینگ کوچی, تروریزم گه قرشی کوره ش و اوکراین ده گی وضعیتدن عبارت بوله دی. 

سویدن و فنلاند نینگ اعضالیک لری آرتیدن ناتو نینگ سونگّی وضعیتی و واشنگتن ده گی رهبر لر ییغیلیشی تیارگرلیک لری نینگ هم کون ترتیبی گه کیلیشی کوتیلماقده. 

فیدان اوشبو ییغیلیشده, ناتو نینگ تروریزم گه قرشی کوره شیشی کیره ک ایکن لیگی و بونینگ ناتو نینگ وظیفه لری دن بیری ایکن لیگینی بیلدیریب, بعضی ناتو اعضا لری نینگ بولووچی ترور تشکیلاتی پ.ک.ک/وای پی جی بیلن همکارلیک قیلیشی نینگ قبول ایتیله آلمه یدیگن بیر وضعیت ایکن لیگینی ینه بیر بار اورغوله یدی.  

عینی دمده فیدان, متفق لر نینگ بیر بیر لری گه قرشی مدافعه صنایع سی بوییچه تحریم و چیکلاو لرنی مطرح قیلیشی نینگ اوشبو اتفاق نینگ روحی گه ضد ایکن لیگینی هم بیلدیره دی و اروپا نینگ مدافعه و خوفسیزلیگی نینگ موثر بیر شکلده تامین ایتیلیشی بیلن علاقه لی تورکیه نینگ توشینچه سی نی عکس ایتدیره دی. 

فیدان نینگ اوشبو ییغیلیش دایره سیده انگلستان, آلمان, بلغاریا و فنلاندلیک کسبداش لری بیلن هم اوچره شیشی کوتیلماقده.