اسرائیل لبنانده هوا هجومی اویوشتیردی

اسرائیل اوروش اوچاق لری نینگ, لبنان نینگ جنوبیده اویوشتیرگن هوا هجومیده 7 کیشی حیاتینی یوقاتدی. 

فلسطین رسمی خبر آژانسی وفا نینگ خبری کوره, لبنان ده گی ملکی مدافعه تشکیلاتی منبع لری, اسرائیل اوروش اوچاق لری نینگ, اولکه نینگ جنوبیده جایلشگن هباریه قصبه سیده گی اسلام طب جمعیتی گه قره ته بیر نیچه مراتبه هوا هجومی اویوشتیرگن لیگینی بیلدیردی. 

منبع لر, هجومده دستلبکی معلوماتلر گه کوره 7 کیشی نینگ حیاتینی یوقاتگن لیگینی معلوم قیلدی. 

اسرائیل اردوسی نینگ لبنان نینگ شرقیده جایلشگن بقاع وادی سیده گی حزب الله هدف لری گه قره تیلگن هوا هجوملریده هم 2 کیشی حیاتینی یوقاتدی, 1 نفر ایسه یره لندی. 

اسرائیل اردوسی بیلن حزب الله اورته سیده 8- اوکتوبر دن بیری دوام ایتیاتگن توقنه شوولرده 246 نفر حزب الله منسوبی, 50 نفر لبنان لیک عادی اهالی, 12 امل جنبشی, 13 حماس و 12 اسلامی جهاد منسوبی بیلن اسرائیل لیک 6 نفر ملکی و 11 حربی حیاتینی یوقاتدی.