مکسیکوده ایککی نفر سیاستچی آتیب اولدیریلدی

مکسیکونینگ مرکزیده جایلشگن ماراوتیو قصبه سیده بلدیه باشلیغی گه کاندید ایککی کیشی کیتمه کیت آتیب اولدیریلدی.

قاره لاوچیلیک محافظه کار ملی حرکت حزبی تامانیدن کاندید ارماندو پرز و اقتدارده گی چپگرا حزب مورینادن کاندید میگل انجیل ریئیس نینگ شخصی موتریده اوق اوزوب اولدیریلگن حالده تاپیلگن لیگینی بیلدیردی.

بو ایککی کاندیدنینگ هم 2 جون ده گی سیلاوگه قتنشیشی ریجه لنماقده ایدی.

مکسیکو دولت باشلیغی اندریس مانوئیل لوپز اوبرادور سه شنبه کونی بیرگن کونده لیک مطبوعاتی کنفرانسیده جنایتلرنینگ "طالعسیزلیک" ایتیب اته دی.

محافظه کار ملی حرکت حزبی بیلن چپگرا حزب مورینا حزبی هم جنایتلرنی قاره له دی همده عدالت طلب ایتدی.

حادثه گه تیگیشلی کینگ کولمی تیرگاو باشله تیلگن لیگی معلوم قیلیندی.

مکسیکوده 2006 دن بوگونگچه 80 دن آرتیق بلدیه باشلیغی قوراللی گروپلر تامانیدن اولدیریلگن.