اروپا اتفاقی نینگ تشقی سیاست نماینده سی حماس نینگ اسرائیل تامانیدن قوریلگن لیگینی بیلدیردی

اروپا اتفاقی تشقی سیاست و خوفسیزلیک سیاستی بوییچه عالی نماینده سی جوزیپ بورل "حماس نی قورگن و حمایت قیلیاتگن اسرائیل نینگ اوزی" دیدی. 

اسپانیا پایتختی مادریدده بولیب اوتگن ییغیلیشده معروضه قیلگن بورل, ینه اسرائیل نی تنقید قیلدی. 

"اسرائیل چک یوباریب حماس نی مالی جهت دن حمایت قیله دی دیمه یمن لیکن حماس نینگ کوچه ییشی نی قولای لشتیردی" دییه قید ایتگن بورل, آلدین مطرح قیلگن "حماس نی قورگن و حمایت قیلیاتگن اسرائیل نینگ اوزی" شکلیده گی ادعاسی نی ینه بیر بار تکرارلب اوتدی. 

بورل, "اسرائیل نینگ, الفتح گه قرشی بیر کوچ ایجاد ایتیب فلسطینلیک لرنی بولیب قوییش گه حرکت قیلگن لیگی کورینیب تورگن بیر حقیقت.  (اسرائیل باش وزیری بنیامین) نتنیاهو نینگ پارلمانده ایتگن جوده یخشی بیلینگن بیر گپ بار: (ایکّی دولت لیک ییچیم گه مخالف بولگن لرنینگ حماس گه حصه قوشیشی و مالی جهت دن حمایتی نی قولای لشتیریشی کیره ک.) مینیمچه بو سوز نی تکرارلب اوتیشیم نینگ اوزی کفایه" دییه قید ایتدی. 

فلسطین دولتی نینگ تن آلینگن, ایکّی دولت لیک ییچیم نی ینه بیر بار تکرارلب اوتگن بورل, اسرائیل نی, "بونگه مخالفت قیلگن حالده باشقه هیچ قنده ی بیر ییچیم نی مطرح قیلمس لیک بیلن" تنقید قیلدی. 

بورل, اوز سوزلرینی, "اسرائیل, نیمه خواهله من لیگینی ایته دی لیکن نیمه ایسته گنی نی ایتمه یدی.  ییچیم یوللری نیمه؟ فقط گینه حربی میتود لر بیلن می خوفسیزلیک نی اورنتماقچی؟ باشقه کوپلب الترناتیف لر هم موجود.  اسرائیل نینگ غزه ده گی حربی فعالیت لری نینگ موازنه سیز ایکن لیگینی اویله ماقده من.  جوده هم کوپ عادی اهالی نینگ اولیمی گه سبب بولماقده و بو نینگ یهودی مخالفتی بیلن هیچ قنده ی بیر ارتباطی یوق. البته که مین هم یهودی لرگه ضد ایمس من" شکلیده دوام ایتدیردی. 

اسرائیل نینگ 7- اوکتوبر دن بیری غزه گه قره ته دوام ایتیاتگن هجوملریده کوپچیلیگی باله لردن عبارت 30 مینگ گه یقین فلسطینلیک حیاتینی یوقاتدی.