امریکا قوشمه ایالتلریده بیر حربی اوزینی یاقیب اسرائیل گه عکس العمل کورستدی

امریکا قوشمه ایالتلریده, هوا کوچلری حربی سی ایکن لیگی انیقلنگن بیر کیشی, اسرائیل نینگ واشنگتن ایلچی خانه سی آلدیده اوزی نی یاقیب غزه ده گی قیرغین گه عکس العمل کورستدی. 

آرون بوشنل (25 یاش) نینگ اوزی نی یاققن صحنه بیلن علاقه لی تصویر لر اجتماعی ترماق آرقه لی ترقه تیلدی. 

تصویرده, حربی کییمی بولگن اوشبو کیشی امریکا قوشمه ایالتلری هوا کوچلری حربی سی ایکن لیگینی بیلدیریب "ایندی قیرغین گه اشتراک ایتمه یمن" دیماقده. 

اسرائیل نینگ واشنگتن ایلچی خانه سی نینگ آلدی گه بارگن بوشنل, "ایندی جوده هم کتته بیر عکس العمل کورسه ته من لیکن فلسطینلیک لرنینگ اشغالچی لری نینگ قولیدن کورگن ظلم گه قرشی مینینگ بو ایشیم اونچه لیک کتته بیر نرسه ایمس" دیدی. 

اوستی گه تیل توککن بوشنل سیسی نینگ باریچه "فلسطین گه ایرکین لیک" دیب بقیردی. 

واشنگتن اطفائیه و عاجل ساغلیق خدمت لری مسئول لری, اوزی نی یاققن اوشبو کیشی نینگ, کسلخانه گه آلیب باریلگن لیگی و وضعیتی نینگ یمان ایکن لیگی نی بیلدیردی.