تورکیه تشقی ایشلر وزیری برازیل گه جونب کیتدی

تورکیه جمهوریتی تشقی ایش لر وزیری خاقان فیدان, جی 20 اولکه لری تشقی ایشلر وزیرلری ییغیلیشیده اشتراک قیلیش اوچون برازیل گه جونب کیتدی. 

حاضرگی دور باشلیغی برازیل میزبانلیگیده ریو دو ژانیرو شهریده جی 20 اولکه لری تشقی ایشلر وزیرلری ییغیلیشی بولیب اوته دی. 

ایکّی کون دوام ایته دیگن اوشبو ییغیلیشده خلق ارا مسئله لرنینگ ییچیلیشیده جی 20 نینگ رولی و بین المللی مقیاسده رهبرلیک ریفورمی حقیده سوز یوریتیله دی. 

ییغیلیشده, اوکراین و غزه ده گی اوروش لرنینگ هم کون ترتیبی گه کیلیشی کوتیلماقده.  تشقی ایشلر وزیری خاقان فیدان تورکیه نینگ, بیرلشگن ملتلر تشکیلاتی خوفسیزلیک کینگشی و باشقه خلق ارا رهبرلیک موسسه لری ده گی ریفورم ضرورت لری گه بیریاتگن اهمیتی گه دقت قره ته دی. 

عینی دمده فیدان, غزه ده وحشت نینگ اداققه ییتیشیشی و قالووچی بیر تینچلیک نینگ اورنه تیلیشی نینگ عاجل ایکن لیگینی هم بیلدیره دی. 

بوندن تشقری فیدان, برازیلده ایریم اوچره شوو لر اوتکزه دی. 

فیدان, اوشبو ییغیلیش دایره سیده بولیب اوته دیگن مکسیکو, اندونزیا, جنوبی کوریا, تورکیه و آسترالیا تشقی ایشلر وزیرلری 25- ییغیلیشیده هم اشتراک قیله دی.