ترور تشکیلاتی داعش حلی هم خلق ارا مقیاسده تهدید یراتماقده

بیرلشگن ملتلر تشکیلاتی ترور تشکیلاتی داعش نینگ حلی هم خلق ارا تینچلیک و خوفسیزلیک نی تهدید ایتگن لیگینی بیلدیردی.

بیرلشگن ملتلر تشکیلاتی خوفسیزلیک کینگشیده بیرلشگن ملتلر تشکیلاتی باش کاتب لیگی تامانیدن تیارلنگن سونگگی داعش بیلن علاقه لی راپور گه تیگیشلی جلسه بولیب اوتدی.

بو جایده سوزگه چیققن بیرلشگن ملتلر تشکیلاتی ترورچیلیک که قرشی کوره ش باشقرمه سی باش کاتبی اورینباسری ویلادیمیر فورونکوف، اعضا اولکه لر قولگه کیریتگن مهم یوتوق طفیلی ترور تشکیلاتی نینگ فعالیت قابلیتی چیتلنگن لیگینی ایتدی.  

داعش نینگ ایچیده جوده قیینچیلیکلر بارلیگینی معلوم قیلگن فورونکوف، اعضا اولکه لرنینگ ترور تشکیلاتی نینگ عایدی گه قرشی کوره ش نینگ انیق نتیجه لر بیرگن لیگینی بیلدیردی.

فورونکوف داعش نینگ آلدینلر یوز میلیونلب دییلگن مقدارلرده مالی ذخیره لری نینگ 10 الی 25 میلیون دالرگه توشگن لیگینی تخمین ایتیلگن لیگینی تیلگه آلدی.

یول آلینگن بو مهم یوتوق قولگه کیریتیلگن حالده ترور تشکیلاتی نینگ فقط توقنه شوو منطقه سیده ایمس عموماً حلی هم خلق ارا تینچلیک و خوفسیزلیک نی تهدید ایتگن لیگینی بیلدیرگن ویلادیمیر فورونکوف ترور تشکیلاتی نینگ تورلی اولکه لرده هجوم اویوشتیریش ریجه لری نینگ بارلیگینی قید ایتدی.