سوریه ده تورکیه استخباراتی نینگ عملیاتی نتیجه سیده بیر نفر ترورچی یوق قیلیندی

بولووچی ترور تشکیلاتی پ.ک.ک/پژاک نینگ سوزده مسئول لریدن بیری بولگن "سورهین روژهیلات" لقبلی فاطمه ساکانه سوریه نینگ قمیشلی شهریده یوق قیلیندی. 

میلادی 2006- ییلده ایرانده ترور تشکیلاتی پ.ک.ک گه قوشیلگن ساکانه, میلادی 2010- و 2012- ییللرده تورکیه نینگ شیرناق ولایتی چیککه حدود لریده فعالیت یوریتدی. 

پ.ک.ک نینگ میلادی 2012- ییل 2- سپتامبرده شیرناق ولایتی نینگ بیت الشباب تومنیده 10 حربی نی شهید ایتگن هجومی نینگ فاعل لریدن بیری بولگن ساکانه, کیین سوریه و عراقده ترور تشکیلاتی نینگ سوزده مسئول لری آره سیده اورین آلدی. 

سارکانه نینگ, عراقده بولگن پیتده ترور تشکیلاتی پ.ک.ک نینگ سرکرده لری دن بیری بولگن دُران قالقان بیلن بیرگه فعالیت یوریتگن لیگی انیقلندی. 

اینگ سونگ سوریه نینگ قمیشلی شهریده ایکن لیگی انیقلنگن ترور تشکیلاتی نینگ سوزده مسئول لریدن بیری بولگن سارکانه, تورکیه جمهوریتی ملی استخبارات اداره سی نینگ عملیاتی نتیجه سیده یوق قیلیندی.