اسرائیل لبنان گه هوا هجومی اویوشتیردی

اسرائیل اردوسی, لبنان نینگ جنوبیده گی چیگره منطقه سی گه هوا هجوملری اویوشتیردی. 

لبنان رسمی خبر آژانسی ان ان ای نینگ بیرگن خبریگه کوره, اسرائیل اوروش اوچاق لری, چیگره گه یقین بیر نقطه ده اورین آلگن تل العویضه منطقه سی گه ایکّی مراتبه هوا هجومی اویوشتیردی. 

عینی دمده اوروش اوچاق لری نینگ چیگره ده اورین آلگن لبنان نینگ الهیام و مارون الراس منطقه لریده گی بوش اوی لرنی هدف قیلیب آلگن لیگی بیلدیریلدی. 

اسرائیل کوچلری, 4 آیدن آرتیق بیر مدتدن بیری لبنان نینگ جنوبیده جایلشگن چیگره منطقه لرینی بمباران قیلیب کیلماقده. 

اوشبو هجوملر سببلی لبنان نینگ چیگره لریده 80 مینگ دن آرتیق عادی اهالی مهاجر بولدی. 

اسرائیل اردوسی بیلن حزب الله اورته سیده میلادی 2023- ییل 8- اوکتوبر دن بیری دوام ایتیاتگن توقنه شوولرده, 188 نفر حزب الله منسوبی, 8 امل حرکتی اعضاسی, 31 نفر لبنانلیک عادی اهالی, 2 لبنانلیک امنیتی پرسونل و اسرائیللیک 6 ملکی بیلن 10 حربی حیاتینی یوقاتدی.