کوسووا بیلن صربستان اورته سیده گی چیگره نینگ خوفسیزلیگینی تورک حربیلر تامینله ماقده

ناتو نینگ کوسووا ده گی تینچلیک نی سقلش کوچی دن عبارت KFOR چوکاتیده تورک حربی لر, کوسووا بیلن صربستان اورته سیده گی چیگره نینگ خوفسیزلیگینی تامینله ش مقصدی بیلن گزمه فعالیت لرینی دوام ایتدیرماقده. 

تورک حربی لرنینگ چیگره ده گی گزمه فعالیت لری بیلن علاقه لی عکس لر,  ناتو نینگ کوسووا ده گی تینچلیک نی سقلش کوچی نینگ اجتماعی ترماق حسابی آرقه لی ترقه تیلدی. 

بیاناتده, مذکور کوچ نینگ, کوسوواده گی همه کیشی لر اوچون خوفسیزلیک و ایرکینلیک نی تامینلش مقصدی بیلن وظیفه سینی کمچیلیکسیز اجرا قیلیاتگن لیگی بیلدیریلدی. 

کوسووا نینگ شمالیده 24- سپتامبر کونی اویوشتیریلگن و 1 نفر کوسووا پولیسی نینگ اولیمی گه سبب بولگن هجوم نی اویوشتیرگن قوراللی صرب گروپ, اوشبو اولکه گه منطقه ده گی تاغ یوللری دن فایده له نیب کیریب چیقه آلگن ایدی. 

تینچلیک نی سقلش کوچی, اوشبو هجوم آرتیدن منطقه ده گی موجودیتی و گزمه فعالیت لرینی آرتیرگن ایدی. 

خوفسیزلیک و برقرارلیک نی تامین ایتیش اوچون بیرلشگن ملتلر تشکیلاتی خوفسیزلیک کینگشی نینگ قراری دایره سیده, میلادی 1999- ییل 12- جونده کوسووا ده وظیفه گه باشله گن تینچلیک نی سقلش کوچیده, ناتو اعضاسی 21 و ناتو عضوی بولمه گن 6 اورتاق اولکه داخل, 27 اولکه دن 4 مینگ 500 دن آرتیق خلق ارا حربی پرسونل موجود. 

تورکیه, 10- اوکتوبر کونی, بیر ییللیق بیر مدت بیلن اوشبو تینچلیک نی سقلش کوچی نینگ قومانده سی نی آلگن ایدی.