تورکیه پارلمانی نینگ باشلیغی بحرین گه تشریف بویوردی

تورکیه جمهوریتی پارلمانی نینگ باشلیغی نعمان قورتولموش, بحرین قرالی حمد بن عیسی آل خلیفه بیلن اوچره شدی. 

تورکیه پارلمانی ریاستی تامانیدن بیریلگن یازمه بیاناتگه کوره قورتولموش, قراللیک قصریده آل خلیفه بیلن بولیب اوتگن اوچره شووده, دوست و قرداش اولکه بحرین گه سفر قیلگن لیگی اوچون خرسند ایکن لیگینی بیلدیردی. 

بحرین نماینده لر مجلسی و شورا مجلسی باشلیق لری و اعضالری بیلن فایده لی اوچره شوو لر اوتکزگن لیک لرینی معلوم قیلگن قورتولموش, سیاست, اقتصاد و مدنیت ساحه لریده تورکیه بیلن بحرین اورته سیده گی مناسبت لرنینگ یوقاری پاغانه لر گه چیقه دیگن لیگی گه ایشانیاتگن لیگینی ایسله تیب اوتدی. 

بحرین قرالی آل خلیفه ایسه تورکیه جمهوریتی پارلمانی باشلیغی قورتولموش نینگ بحرین گه سفر قیلگن لیگی اوچون خرسند بولگن لیک لری نی بیلدیررایکن, ایکله اولکه اورته سیده گی مناسبت لرنینگ, پارلمان لرنینگ سعی و حرکتی نتیجه سیده یوقاری سویه گه چیقه دیگن لیگی گه ایشانیاتگن لیگینی معلوم قیلدی.