ناتو کینگ کولملی حربی سیناو اوتکزه دی

ناتونینگ ساووق اوروش دوری (1991- 1947) دن کیینگی اینگ بویوک حربی سینشی برقرار قوریقلاوچی 2024 نینگ کیلگوسی هفته باشلشیدن خبر بیریلدی.

ناتو اروپا اتفاقی یوکسک قومندانی (SACEUR) جنرال کریستوپر کاولی، بلجیم نینگ پایتختی بروکسل ده اویوشتیریلگن ناتو قوراللی کوچلر قومندانلری جلسه سی نینگ آرتیدن مطبوعاتگه بیانات بیردی.

جنرالی کاولی 31 ته ناتو اعضاسی و اعضالیک که کاندید اولکه بولمیش سویدن دن 90 مینگ حربی قتنشه دیگن حربی سینش نینگ می آیی نینگ سونگگی گچه دوام ایته جگی معلوم قیلیندی.

کاولی "اتفاق کوچلرینی شمالی امریکادن اتلانتیک دن آشیب اروپا – اتلانتیک ساحه سینی کوچه یتیریش ظرفیتینی کورسته دی." دیدی.  

ناتونینگ ساووق اوروش دوری (1991- 1947) دن کیینگی اینگ بویوک حربی سینشی نینگ آلمان، پولند و بالتیک اولکه لریده اوتکزیلیشی و روسیه بیلن محتمل اوروش سناریولرینی اوز ایچی گه آلیشی کوتیلماقده.