قطر - امریکا قوشمه ایالتلری تشقی ایشلر وزیرلری اوزارا اوچره شوو اوتکزدی

قطر تشقی ایشلر وزیری محمد بن عبدالرحمن آل ثانی، غزه نینگ فلسطین توپراقلری نینگ بیر پارچه سی ایکن لیگینی فلسطینلیکلر تامانیدن باشقریلیشی کیره ک لیگینی بیلدیردی.

قطر تشقی ایشلر وزیری، اورته شرق سیاحتی دایره سیده پایتخت دوحه گه تشریف بیورگن امریکا قوشمه ایالتلری تشقی ایشلر وزیری انتونی بلینکن بیلن اویوشتیرگن مطبوعاتی کنفرانسده، غزه ده یوزبیرگنلرگه تیگیشلی بیانات بیردی.

(حماس بیلن اسرائیل اورته سیده گی) مذاکره جریانی نینگ دوام ایتیب تورگن لیگینی بیراق بعضی بیر قیینچیلیکلر یوزبیرگن لیگینی قید ایتگن آل ثانی،

"حماس نینگ یوقاری ییتکچیلریدن بیرته سی (حماس نینگ سیاسی دفتری باشلیغی اورینباسری صالح العاروری) نینگ اولدیریلیشی نینگ بو جریان گه تاثیر قالدیریشی ممکن" دیدی.

آل ثانی قیینچیلیکلرگه قره مه ی تامانلر بیلن اوچره شوولرگه دوام ایتیب تورگن لیکلرینی و قیسقه مدت ایچیده غزه ده آتشکیسین تامین ایتیلشی، یاردملرنینگ کیریشی گه رخصت بیریلیشی و اسیرلرنی آزاد ایتیلیشینی اوز ایچیگه آلگن بیر کیلیشوو اوچون اورونیش آلیب بارگن لیکلرینی تیلگه آلدی.  

غزه نینگ فلسطین توپراقلری نینگ بیر پارچه سی ایکن لیگینی فلسطین باشقرووی آستیده بولیشی کیره ک لیگینی و فقط فلسطین خلقی نینگ قرار بیریش حقی گه ایگه ایکن لیگینی" تاکییدله دی.

اورته شرق توری دایره سیده تورکیه بیلن اردون نینگ آرتیدن قطرگه بارگن بلینکن نینگ سفری پروگرامیده بیرلشگن عرب امیرلیکلری، سعودی عربستان، اسرائیل، مصر و غربی نوار هم اورین آلماقده.

بلینکن سفری دایره سیده قطر امیری شیخ تمیم بن حمد آل ثانی بیلن هم اوچره شگندی.