چین ده اولگنلر سانی 149 گه ییتدی

چین نینگ گانسو ایالتیده یوزبیرگن 6،2 رشتر ییر سیلکینیش عاقبتیده اولگنلر سانی 149 کیشی گه ییتدی.

محلی باشقروو تامانیدن بیریلگن بیاناتگه کوره قوشنی چینخای ایالتی نینگ دونگهای تو.منیده ییر سیلجیشی عاقبتیده توپراق آستیده قالیب کیتگن بیر کیشی نینگ اولیگی چیقریب آلینگن

شونده ی بولیب گانسو ایالتیده 117، قوشنی چینخای ایالتیده 32 کیشی جان بیرگن بولدی.

شو بیلن اولگنلر سانی 149 کیشی گه ییتدی.

چین زلزله ترماقلری مرکزی 18 دسامبرده یریم کیچه مرکزی جیشیشان بائوآن دونشیانگ و سلر خودمختار تومنی بولمیش 6،2 رشتر ییر سیلکینیشی ییرنینگ 10 کیلومتر آستیده یوزبیرگن لیگینی بیلدیرگندی.

ییر سیلکینیشی طفیلی ایککی ایالت نینگ چیگره سی یقین منطقه ده 14 مینگدن آرتیق اوی نینگ ییقیلیب کیتگن لیگی، 1 مینگدن آرتیق کیشی نینگ یره لنگن لیگی معلوم قیلیندی.

حادثه عاقبتیده دولت اداره لری، سوو و برق ترماقلری نینگ شونده ی بولیب ترانسپورت آست قوروشی بیلن علاقه ترماقلری گه زیان ییتگن لیگی قید ایتیلگندی.

اوشبو حادثه سلبی تاثیر قالدیرگن 87 مینگ کیشی خوفسیز منطقه لرگه جایلشتیریلگندی.