پوتین: ایردوغان نینگ غزه اوچون آلیب بارگن اورونیشلری اهمیت گه سزاوار

روسیه دولت باشلیغی ولادیمیر پوتین، تورکیه جمهور باشلیغی رجب طیب ایردوغان نینگ غزه اوچون آلیب بارگن اورونیشلریدن مقتاو بیلن بحث ایتدی.

پوتین پایتخت مسکوده جایلشگن گوستینی دفور تجارت و کورگزمه مرکزیده اویوشتیریلگن ییللیک خاص سوال – جواب پروگرامی گه و ییل سونگگی مطبوعاتی کنفرانس گه قتنشدی.

پوتین اوز صحبتیده 2024 ییلی نینگ باشیده تورکیه گه سفر اویوشتیریشی ممکن ایکن لیگینی بیلدیردی.

ولادیمیر پوتین "جمهور باشلیغی ایردوغان غزه اوچون اورونیشلرده باشچیلیک رولی آلگن وضعیتده." دیدی.

پوتین،

"ایردوغان غزه ده گی بحران گه دقت تارتگن، وضعیت نی توزه تیش، اوزاق مدتلیک تینچلیک شرطلرینی یراتیش اوچون تورلی نرسه قیلگن خلق ارا همجمعیت نینگ رهبرلریدن بیرته سی دیر." دیب ایتدی.

روسیه دولت باشلیغی ویلادیمیر پوتین،

"تورکیه کبی فلسطین دولتی نینگ قورولیشی گه تیگیشلی بیرلشگن ملتلر تشکیلاتی قرارلری نینگ عملی قیلینیشی طرفداریمیز. ایردوغان بیلن بو موضوعلرنی دواملی تیلگه آلماقده میز. یانداشوولریمیز جوده یقین." دیب ایتدی.

حماس نینگ قوراللی ترماغی القسام کوچلری 7 اکتوبرده اسرائیل گه قره ته «اقصی طوفانی» آتیده کینگ بیر هجوم گه قول اورگن لیگینی بیلدیرگندی.

اسرائیل اردوسی هم بونگه جواب اوله راق حربی اوچاقلر آرقه لی غزه نواریگه تیمیر قیلیچلر عملیاتی باشلتگن لیگینی معلوم قیلگندی.

یوزبیرگن بحران عاقبتیده کوپراغی باله لردن عبارت 18 مینگدن آرتیق فلسطینلیک جان بیردی.