تورکیه عراق نینگ شمالیده ترورچی لر گه قرشی عملیات اویوشتیردی

عراق نینگ شمالیده گی غارا, متینا, خاکورک و قندیل گه قره ته اویوشتیریلگن هوا عملیاتیده, سوزده یوقاری مرتبه لی مسئول سویه سیده گی ترورچی لرنینگ موجود ایکن لیگی انیقلنگن 13 هدف یوق قیلیندی. 

تورکیه جمهوریتی ملی مدافعه وزیرلیگی تامانیدن اجتماعی ترماق آرقه لی بیریلگن بیاناتده, ترور تشکیلاتی پ.ک.ک/کا جی کا و باشقه ترورچی عنصر لرنینگ تاثیرسیز گه کیلتیریلیب عراق نینگ شمالیدن خلققه و خوفسیزلیک کوچلری گه قره تیلگن ترورچیلیک هجوم لری نینگ آلدینی آلیش و چیگره خوفسیزلیگی نی تامین ایتیش اوچون بیرلشگن ملتلر تشکیلاتی کیلیشووی نینگ 51- ماده سیدن کیلیب چییقن مدافعه حقی دایره سیده, عراق نینگ شمالیده گی غارا, متنینا, خاکورک و قندیل منطقه لریده ترورچی لر گه قره ته هوا عملیاتی اویوشتیریلگن لیگی بیلدیریلدی. 

بیاناتده, قوییده گی سوزلرگه اورین اجره تیلدی:

"هوا عملیات لری نتیجه سیده بولووچی ترور تشکیلاتی تامانیدن استفاده ایتیلیاتگن و ایچیده سوزده مسئول سویه سیده ترورچی لرنینگ هم موجود بولگن لیگی انیقلنگن مغاره, یشینه دیگن جای و دیپو لردن تشکیل تاپگن 13 هدف یوق قیلیندی.  اوشبو عملیات لرده اینگ کوپ وطنی مهمات دن فایده له نیلیب کوپلب ترورچی تاثیرسیز وضعیت گه کیلتیریلدی. 

اصیل ملتی میز نینگ بغریدن چیققن تورکیه قوراللی کوچلری اوتمیشده بولگن لیگی دیک بوگون هم اولکه میز و ملتی میز نینگ کیله جگی و امنیتی اوچون حتی بیرته گینه هم ترورچی قالمه گونگه قدر تروریزم گه قرشی کوره شی نی قرارلی لیک بیلن دوام ایتدیره دی.  اوشبو عملیاتلرده معصوم عادی اهالی, دوست عنصر لر, تاریخی و مدنی اثر بیلن محیط گه ضرر ییتکزیلمسلیک اوچون هر خیل تدبیر لر آلیندی".