غزه ده زودلیک بیلن آتشکیسین نینگ اورنه تیلیشی کیره ک

تورکیه جمهوریتی تشقی ایشلر وزیری خاقان فیدان, اسرائیل نینگ غزه ده گی ظلمی نینگ, قاره دینگیز اقتصادی همکارلیک تشکیلاتی جغرافیه سی گه هم ضرر ییتکزیشی نینگ ممکن ایکن لیگینی معلوم قیلرایکن, زودلیک بیلن آتشکیسین اعلان ایتیلیشی کیره ک ایکن لیگینی بیلدیردی. 

فیدان, اوکراین پایتختی کیف ده بولیب اوتگن قاره دینگیز اقتصادی همکارلیک تشکیلاتی پارلمنتر اسامبله سی نینگ 62- عمومی کینگشی گه, اوشبو تشکیلات نینگ حاضرگی دور باشلیغی اوله راق پیام یوباردی. 

پیامیده, 7- اوکتوبر دن بیری یوز بیریاتگن ینگیلیکلر نینگ, اسرائیل- فلسطین اختلافی نینگ هردایم اهمیت بیریلیشی کیره بولگن موضوع ایکن لیگینی ینه بیر بار کورسه تیب بیرگن لیگینی بیلدیرگن فیدان, اوز سوز لرینی, " اسرائیل نینگ غزه ده گی ظلمی نینگ, قاره دینگیز اقتصادی همکارلیک تشکیلاتی جغرافیه سی گه هم ضرر ییتکزیشی ممکن.  اوشبو توغریده گی سیاستی میز انیق: زودلیک بیلن آتشکیسین نینگ اعلان ایتیلیشی, بشری یاردم لرنینگ ییتکزیلیشی اوچون شرایط نینگ تامین ایتیلیشی, خلق ارا مقیاسده قبول قیلینگن پارامتر لر دایره سیده ایکّی دولت لیک ییچیم یولی گه اساساً تینچلیک مذاکره لری گه قیتیلیشی و تینچلیک نینگ تامین ایتیلیشی گه سبب بوله دیگن گرنتورلیک میکانیزمی نینگ قوریلیشی کیره ک.  بونده ی بیر وضعیتده خلق ارا سیستم نینگ آتشکیسین نینگ اورنه تیلیشیده گی موفقیتسیز لیگی, عینی دمده, مینگلب باله, عیال و بیرلشگن ملتلر تشکیلاتی پرسونلی نینگ اولدیریلیشی گه قرشی بعضی اولکه لرنینگ جدی سیس سیزلیگی نینگ, اوکراین و باشقه اوروش منطقه لریده انعکاس لری بولیشی ممکن" شکلیده دوام ایتدیردی.