تورکیه پارلمانی نینگ باشلیغی: اسرائیل نینگ غزه گه قره تیلگن هجوملری قیرغین دن عبارت
او غرب نینگ مهم بیر قسمی نینگ اسرائیل نی حمایت قیلیاتگن لیگینی معلوم قیلدی
تورکیه جمهوریتی پارلمانی نینگ باشلیغی نعمان قورتولموش, اسرائیل نینگ غزه گه قره تیلگن هجوم لری نینگ انیق بیر قیرغین دن عبارت ایکن لیگینی بیلدیردی.
قورتولموش, روسیه نینگ انقره ایلچیسی آلکسی یرخوف نی قبول قیلدی.
قورتولموش, تورکیه پارلمانیده بولیب اوتگن اوشبو اوچره شووده, اسرائیل نینگ غزه گه قره تیلگن انسان حق لری اخلال لرینی قمره گن هجوملری و منطقه ده یوز بیرگن بشری بحران حقیده گپیررایکن, امریکا قوشمه ایالتلری داخل غرب اولکه لری نینگ مهم بیر قسمی نینگ اسرائیل نی حمایت قیلیب جسارتی نی آشیریاتگن لیگینی بیلدیردی.
هجوملر نینگ قبول قیلینه آلمه یدیگن بیر وضعیتدن عبارت ایکن لیگینی بیلدیرگن قورتولموش, اوشبو وحشت نینگ مسئول لری نینگ خلق ارا محکمه لرده مطلق صورتده محاکمه قیلینه دیگن لیگی گه ایشانگن لیگینی ایسله تیب اوتدی.
تورکیه و روسیه نینگ ایکّی قوشنی اولکه اوله راق کوپلب ساحه لر بوییچه همکارلیککه ایگه ایکن لیگینی بیلدیرگن قورتولموش, منطقه ده گی اوروش لرنینگ یقین همکارلیک نی مجبوریت گه ایلنتیرگن لیگینی معلوم قیلدی.
منطقه نینگ تشقریسیده گی اکتور لر و دولت لرنینگ معما لر گه اره له شیشی نینگ اوروش لرنینگ ینه ده چقورله شیب کیتیشی گه سبب بوله دیگن لیگی نی اویله یاتگن لیگی نی معلوم قیلگن قورتولموش, موجود قیین چیلیک لرنینگ, منطقه اولکه لری تامانیدن متقابل مذاکره بیلن ییچیلیشی نینگ اینگ توغری یولدن عبارت ایکن لیگینی بیلدیردی.
یرخوف هم, تورکیه بیلن روسیه اورته سیده گی مناسبت لرنینگ رواجله نیاتگن لیگی سببلی خرسند ایکن لیگینی بیلدیررایکن, فلسطین خصوصیده تورکیه بیلن بیر خیل فکر گه ایگه ایکن لیگی نی ایسله تیب اوتدی.
