پنتاگون: امریکا نینگ حربی مرکز لری گه قره ته اونلب هجوم اویوشتیریلدی

امریکا قوشمه ایالتلری مدافعه وزیرلیگی (پنتاگون), 17- اوکتوبردن بیری عراق و سوریه ده گی حربی مرکز لری گه قره ته 55 هجوم اویوشتیریلگن لیگینی بیلدیردی. 

پنتاگون سوزچیسی سابرینا سینگ, ترتیب له گن کونده لیک مطبوعاتی کنفرانسیده, امریکا قوشمه ایالتلری حربی مرکز لری گه قره ته اویوشتیریلگن هجوم لر حقیده معلومات بیردی. 

هجوملرنینگ باشله گن 17- اوکتوبر دن بیری امریکا نینگ حربی مرکز لریگه 55 هجوم اویوشتیریلگن لیگینی بیلدیرگن سینگ, اوشبو هجوملر عاقبتیده 59 پرسونل نینگ یینگیل یره لنگن لیگی و همه سی نینگ توزه لیب وظیفه لری گه قیتگن لیک لرینی ایسله تیب اوتدی. 

سوزچی, اوشبو هجوملرنینگ 27 ته سی نینگ عراقده و 28 ته سی نینگ ایسه سوریه ده اویوشتیریلگن لیگینی معلوم قیلدی. 

سینگ, اوشبو هجوم لر بوییچه ایران حمایه سیده گی گروه لرنی مسئول دیب کورسه ترایکن, امریکا قوشمه ایالتلری نینگ خوددی شوو هجوم لرگه جواب قیتریش حقی گه ایگه ایکن لیگی نی بیلدیردی. 

اسرائیل- فلسطین اوروشی نینگ منطقه گه کینگ قولاچ یاییب کیتمس لیگی و غزه ده قالیشی اوچون سعی و حرکت قیلیاتگن لیک لرینی بیلدیرگن سینگ, امریکا نینگ منطقه ده گی موجودیتی بیلن حاضرگی کون گه قدر اوشبو سیاستده موفق ایکن لیکلرینی ایسله تیب اوتدی.