ایریم اروپا اولکه لری ایکّی یوزله مه چیلیک قیلماقده

تورکیه جمهوریتی تشقی ایشلر وزیری خاقان فیدان, "بعضی اروپا اتفاقی اعضاسی اولکه لرده فلسطینلیک لر بیلن بیردملیک نمایش لری نینگ آلدینی نینگ آلینیاتگن لیگی ایکّی یوزله مه چیلیک دن عبارت" دییه قید ایتدی. 

فیدان, آلمانده بولیب اوتگن اروپا اتفاقی کینگه ییش و ریفورم عنوانی گه ایگه ییغیلیش نینگ مطبوعات گه یاپیق بولیمیده, خلق ارا اکتور لرنینگ ایکّی یوزله مه چیلیک قیلمس لیک لری کیره ک ایکن لیگینی بیلدیردی. 

فیدان, ایریم اروپا اتفاقی اعضاسی اولکه لرده فلسطینلیک لر بیلن بیردملیک نمایش لری نینگ ممنوع قیلیب قوییلگن لیگینی تنقید قیلرایکن, "مقدس کتابی میز قرآن کریم گه قرشی حرمتسیزلیک لر گه 'سوز ایرکین لیگی' بهانه سی بیلن اجازت بیرگن لر, فلسطین لیک عادی اهالی نینگ وحشیانه بیر شکلده قیرغین قیلینیشی گه قرشی عکس العمل کورستماقچی بولگن لر نینگ ایسه آلدینی آلماقده.  بو قبول قیلینه آلمه یدیگن بیر ایکّی یوزله مه چیلیک دن عبارت" دییه قید ایتدی.