سویدن ده قرآن کریم نی اوتگه بیرگن عراقلیک مومیکانینگ دیپورت قیلینیشی گه قرار بیریلدی

سویدن سونگگی آیلرده قرآن کریم نی اوتگه بیریش حرکتلریگه قول اورگن عراقلیک سالوان مومیکانینگ اقامه سی نینگ مدتی توگه گندن کیین دیپورت قیلینیشی گه قرار قبول قیلدی.

کوچمنلر باشقرووی مطبوعات سوزچیسی جسپر تنگروس TV4 کانالی گه بیرگن بیاناتده مومیکانینگ اقامه و ایشلش مدتی نینگ 2024 ییلی 16 اپریل گچه ایکن لیگینی ایتدی.

تنگروس بو تاریخدن کیین اقامه و ایش رخصتی بیریلمسلیگینی و مومیکانینگ دیپورت قیلینه جگینی معلوم قیلدی.

اوشبو قرارنینگ مومیکانینگ یالغان بیاناتی طفیلی آلینگن لیگینی معلوم قیلگن تنگروس "اقامه و ایشلش رخصی اوچون مراجعه قیلگنده شخص نینگ یالغان بیاناتلر بیرگنینی انیقله دیک و شونده ی بولیب دیپورت قیلینیشی قرار قبول قیلدیک. عین دمده بو شخص نینگ 5 ییلگچه سویدن گه کیریشینی منع قیلدیک." دیدی.

مومیکانینگ دیپورت قراریگه ناراضلیکی بیلدیریب کوچ محکمه سیگه دعوا آچیشی کوتیله دی.

سالوان مومیکا پایتخت ستکهلم ده قربان بیره می نینگ بیرینچی کونی یعنی 28 جون تاریخیده ستکهلم مسجدی نینگ قاشیده پولیس نینگ قوریقلاوچیلیگیده قرآن کریم نی اوتگه بیرگندی.

مومیکا 20 جونده عراق نینگ ستکهلم بویوک ایلچیلیگی نینگ قاشیده 14 و 31 جولایده سویدن نینگ پارلمانی نینگ قاشیده پولیس نینگ قوریقلاوچیلیگیده قرآن کریم نی و عراق نینگ بیراغینی ایاق آستیگه آلگندی. مومیکا 24 اگست ده ستکهلم مسجدی نینگ قاشیده ینه قرآنکرم نی اوتگه بیرگندی.

مومیکانینگ 3 سپتامبرده پولیس قوریقچیلیگده قرآن کریم نی اوتگه بیریشی و اونگه توسیق بولیش گه اورونگن 15 کیشی نینگ نظارتگه آلینیشی طفیلی مظاهره لر اویوشتیریلگندی.

مومیکا ینه 21 اکتوبرده ستکهلم نینگ مرکزیده اسرائیل نی قوللب – قوتلاوچی نمایشی اوتکزیب فلسطین بیراغی بیلن قرآن کریم نی اوتگه بیرگندی.