ناتو هسته ای تطبیقات اوتکزه دی

ناتو اولکه لری, کیلگوسی هفته ده " Steadfast Noon" ناملی هسته ای تطبیقات اوتکزه دی.

ناتو عمومی منشی سی ینس استولتنبرگ, اوشبو موضوع بیلن علاقه لی بیرگن بیاناتیده, "روسیه نینگ اوکراین گه قرشی اوروشی, ناتو نینگ هسته ای قوراللری نینگ اوشبو هجوم لرنینگ توخته تیلیشیده اوینه گن مهم رولی نی ایسلتماقده" دییه قید ایتدی. 

استولتنبرگ, ناتو نینگ هر ییل اوکتوبر آییده بوله دیگن تطبیقاتی نینگ کیله جک هفته ده ایتالیا, کرواسیا و آقدینگیزده بولیب اوته دیگن لیگینی بیلدیردی. 

اوشبو تطبیقات نینگ ناتو نینگ هسته ای ایشانرلیگی, موثریتی و خوفسیزلیگینی تامین ایته دیگن لیگینی بیلدیرگن استولتنبرگ, " Steadfast Noon" تطبیقاتی نینگ ناتو نینگ برچه متفق لری نی مدافعه قیله دیگن لیگی بوییچه انیق بیر پیام بوله دیگن لیگینی ایسله تیب اوتدی. 

خوددی شوو تطبیقاتگه کوپلب اوروش جتی, نظارت و تانکر اوچاق لری دن تشقری, اوزون منزللی بمباردمان اوچاق لری (B-52) نینگ هم اشتراک قیلیشی کوتیلماقده. 

اوشبو تطبیقات هر ییل فرقلی بیر ناتو اعضاسی اولکه نینگ میزبانلیگیده بولیب اوتماقده.