امریکا قوشمه ایالتلری: ترور تشکیلاتی پ.ک.ک گه قرشی کوره شده تورکیه نینگ یانیده میز

امریکا قوشمه ایالتلری, بولووچی ترور تشکیلاتی پ.ک.ک گه قرشی کوره شده "قرارلی لیک بیلن"  ناتو متفقی تورکیه و تورک خلقی نینگ یانیده بولیش گه دوام ایته دیگن لیگینی معلوم قیلدی. 

امریکا قوشمه ایالتلری تشقی ایشلر وزیرلیگی سوزچیسی ماتئو میلر, ترتیب له گن مطبوعاتی کنفرانسیده, پ.ک.ک نینگ امریکا تامانیدن خارجی ترور تشکیلاتی اوله راق تن آلینگن لیگینی تکرارلب اوتدی. 

بیر ژورنالیست نینگ پایتخت انقره ده یکشنبه کونی اویوشتیریلگن ترورچیلیک هجومی نینگ مسئولی نینگ ترور تشکیلاتی پ.ک.ک ایکن لیگینی ایسله تیب, "تورکیه ده اوزاق مدت دن بیری, امریکا قوشمه ایالت لری نینگ پ.ک.ک و سوریه بولیمی بولگن وای پی جی نی حمایت قیلگن لیگی گه قرشی بیر ناراضیلیک موجود.  امریکا قوشمه ایالتلری ناتو متفقی تورکیه تامانیدن ترور تشکیلاتی اوله راق تن آلینگن بیر ساختار بیلن اوز مناسبت لری نی قنده ی دوام ایتدیریش نی ریجه له ماقده؟" شکلیده گی سئوالی گه, "پ.ک.ک گه قرشی کوره شده قرارلی لیک بیلن تورکیه و تورک خلقی نینگ یانیده میز و یانیده بولیش گه دوام ایته میز" دییه جواب قیتردی.

امریکا قوشمه ایالتلری نینگ, پایتخت انقره ده گی ترورچیلیک هجومی نی "قتتیق" قاره له گن لیگینی  تکرارله گن میلر, یره لنگن لر گه عاجل شفا تیلب قالدی.