افغانستان نینگ هندوستان بویوک ایلچیلیگی فعالیتینی توخته تگن لیگینی بیلدیردی

افغانستان نینگ هندوستان بویوک ایلچیلیگی فعالیتینی توخته تیش قراری آلگن لیگی معلوم قیلندی.

هندوستان تایمز حکومت منبعلریدن الگن خبرگه کوره هندوستان نینگ پایتختی ینگی دهلی ده گی افغانستان نینگ هندوستان بویوک ایلچیلیگی فعالیتینی توخته تیش قرارینی هندوستان تشقی ایشلر وزیرلیگی گه بیلدیرگن.

هندلیک مقاملرنینگ بو قرارنی تیکشیرگن لیگی معلوم قیلینر ایکن هندوستان تایمزگه خبر بیرگن منبع افغانستان بویوک ایلچیلیگی بو قراریگه تیگیشلی اوله راق،

"بویوک ایلچی نینگ سونگگی پیتلرده خارجده ایکن لیگی، دیپلوماتلرنینگ پناهنده لیک آلگن ایریم اولکه لرگه کیتگن لیگی و بویوک ایلچیلیک پرسونلی اورته سیده هم ایچکی بحران بارلیگی گه" دقت تارتگن.

خبرده افغان بویوک ایلچی فرید مومندزی نینگ شو وقت انگلستان نینگ پایتختی لندن ده ایکن لیگی بیلدیریلدی.

افغانستان ده اشرف غنی حکومتی تامانیدن تعیینلنگن مومندزی 2021 ییلیدن اعتباراً طالبان حکومتی بیلن هم وظیفه سیگه دوام ایتگندی.

اپریل – می آیلریده طالبان نینگ اورنی گه ایریم بیر کیشینی تعیین قیلگن لیگی بوییچه خبرلر یاییلگندی.