پولند جمهور باشلیغی روسیه و بلاروس نی قاره له دی

پولند جمهور باشلیغی آندری دودا پولند چیگره لری نینگ بلاروس تامانیدن دواملی شکلده هجوم گه دوچ قالگن لیگینی معلوم قیلیب،

"بونینگ روسیه بیلن همکارلیک ایچیده بولیب اویوشتیریلگن لیگیدن شبهه میز یوق"دیدی.

لیتونیا جمهور باشلیغی ادگارز رینکویکس بیلن اولکه سی نینگ پایتختی وارشووده اوچره شگن دودا اویوشتیریلگن مطبوعاتی کنفرانسده موضوع بوییچه سوز یوروتدی.

دودا خوددی شو اوچره شووده خوفسیزلیک، اقتصادی، انرژی و زیربنا موضوعلری نینگ تیلگه آلینگن لیگینی قید ایتدی.

اوچره شوونینگ اینگ مهم موضوعی نینگ 2022 ییلی 24 فبروریدن بیری دوام ایتیب تورگن روسیه – اوکراین اوروشی و پولند چیگره لری نینگ بلاروس تامانیدن دواملی شکلده هجوم تهدیدیدن عبارت ایکن لیگینی افاده ایتدی.

دودا "پولند چیگره لری نینگ بلاروس تامانیدن دواملی شکلده هجوم گه دوچ قالیشی کبی بیر معما بار و بونینگ روسیه بیلن همکارلیک ایچیده بولیب اویوشتیریلگن لیگیدن شبهه میز یوق." دیب گپیردی.

دودا جلسه ده اوکراین گه تامین ایتیب بیریلگن یاردم و همکارلیک، ناتونینگ سونگگی جلسه سی نینگ نتیجه لری و اوزارا حربی همکارلیک نینگ هم تیلگه آلینگن لیگینی قید ایتدی.