ایتالیا دینگیز ساحه سیده قاچقینلر قَییغی باتیب کیتدی

ایتالیانینگ لامپیدوسا آرالی دینگیز ساحه سیده قاچقینلر قَییغی نینگ باتیب کیتیشی عاقبتیده 41 نفر قاچقین حیاتینی یوقاتدی.

ایتالیا ANSA خبر آژانسی گه کوره تونس نینگ صفاکس شهریده یولگه قوییلگن و ایچیده قاچاق مهاجرلر بولگن قَییق لامپیدوسا آرالی دینگیز ساحه سیده آغده ریلیب کیتگن.

حادثه عاقبتیده 41 نفر قاچقین حیاتینی یوقاتر ایکن قیرغاق خوفسیزلیک کوچلری 4 ته قاچقین نی قوتقریب آلیش گه موفق بولدی.

قوتقریب آلینگن خوددی شو قاچقینلر 45 نفر بیلن یولگه قوییلگن لیکلرینی و ایچلریده 3 ته باله بارلیگینی معلوم قیلدی.

اورته ییر دینگیزیده قاچاق کوچمن ترافیکی کوپ بولگن ایتالیانینگ لامپیدوسا آرالی دینگیز ساحه سیده 6 اگستده هم باتیب کیتگن قَییقده گی بیر عیال بیلن باله سی حیاتینی یوقاتگندی.

میلادی 2014 ییلیدن بیری لیبیا و تونس دن ایتالیاگه اوتماقچی بولگن 14 مینگدن آرتیق کیشی یا اولگن ویا دینگیزده لادرک بولیب کیتگن.