امریکا قوشمه ایالتلری: اوکراینلیک پیلوتلر گه اوروش اوچاغی تعلیمی بیریله دی
اوچووچی لر گه دنمارک و رومانیاده تعلیم بیریلیشی بوییچه فعالیتلر دوام ایتماقده
امریکا قوشمه ایالتلری, اوکراینلیک اوچووچی لر گه اف- 16 اوروش اوچاق لری اوچون بیریله دیگن تعلیم نینگ, رومانیا و دنمارکده بولیشی و تاریخی حقیده فعالیت لر نینگ دوام ایتیاتگن لیگینی معلوم قیلدی.
آق اوی ملی خوفسیزلیک کینگشی ستراتیژیک علاقه کوردیناتوری جان کربی, کونده لیک مطبوعات ییغینیده, ژورنالیست لرنینگ سئوال لری گه جواب قیتردی.
اوکراینلیک اوچووچی لر گه اف- 16 اوروش اوچاغی تعلیمی نینگ رومانیا و دنمارکده بیریله دیگن لیگینی بیلدیرگن کربی, تعلیم نینگ بیریله دیگن جای و تاریخ حقیده فعالیت لر نینگ دوام ایتیاتگن لیگینی بیلدیردی.
کربی, تعلیم اوچون باشقه جای لرنینگ هم مطرح بولیشی نینگ ممکن ایکن لیگینی معلوم قیلدی.
انگلستان نینگ هم اوکراینلیک اوچووچی لرنینگ تعلیمی اوچون تیل کورسی نی باشلتگن لیگینی معلوم قیلگن کربی, اوشبو پیلوت لرگه تیزراق تعلیم بیریلیشی اوچون قوللریدن کیله دیگن سعی و حرکت لرنی قیله دیگن لیکلرینی ایسله تیب اوتدی.
عینی دمده اوکراین غله و حبوباتی نینگ فرقلی یوللر آرقه لی صادراتی اوچون اوکراین و اروپالیک اورتاق لری میز بیلن بیرگه فعالیت یوریتیاتگن لیکلرینی بیلدیرگن کربی, باشقه بیر تاماندن اینگ موثر یول نینگ دینگیز آرقه لی صادرات دن عبارت ایکن لیگینی معلوم قیلدی.
