هندوستان ده ییر سیلجیشی عاقبتیده کوپلب کیشی جان بیردی

هندوستان نینگ مهارشترا ایالتیده کوچلی یامغیرلر طفیلی یوزبیرگن ییر سیلجیشی عاقبتیده 10 کیشی حیاتینی یوقاتدی.

هندوستان تایمز خبر بیریشیچه مذکور ایالت نینگ رایگاد تومنیده گی 50 ته اوی بولگن قیشلاقده توناون کونی کیچه لب 17 ته اوی توپراق آستی گه قالیب کیتگن.

ییر سیلجیشی عاقبتیده 10 کیشی نینگ حیاتینی یوقاتگن لیگینی، شونده ی بولیب 75 کیشی نینگ قوتقریب آلینگن لیگینی معلوم قیلگن ییتکچیلر، توتیلیب قالگن کوپلب کیشی نینگ قوتقروو اورونیشلری نینگ دوام ایتیب تورگن لیگینی بیلدیردی.

هفته بویلب کوچلی یاغیش یوزبیرگن خوددی شو ایالتده تیمیر یول و قتناویولی سفرلری توخته لیب قالگن وضعیتد.

هندوستان هوا شناسلیک باشقرمه سی تامانیدن 16 جولایده بیریلگن بیاناتده جنوب – غرب موسون یامغیرلری نینگ کوچلی شکلده یاغیش دالغه سی نینگ کوپلب ایالت گه تاثیری قالدیریشیدن خبر بیریلدی.  

موسون یامغیرلری طفیلی اولکه ده سونگگی ایککی هفته ده حیاتینی یوقاتگنلر سانی 150 گه آشدی.